عضو نقابة الصحفيين عن اعتداء «السبكي» على موقع صدى البلد: «جزار يحل خلافاته بالبلطجة»

كتب – عمر حسن

أدان هشام يونس، عضو مجلس نقابة الصحفيين، ورئيس تحرير بوابة الأهرام السابق، اعتداء المنتج السينمائي أحمد السبكي، بصحبة 10 بلطجية، على مقر موقع «صدى البلد»، مساء أمس، بشارع عبدالمنعم رياض في منطقة المهندسين.

وكتب يونس عبر حسابه على «فيس بوك»: «طبيعي أما جزار يبقى منتج سينمائي إنه يحل خلافاته مع الوسط الفني بالبلطجة.. وطبيعي إن السبكي اللي ما كملش تعليمه وما استفادش من مجانية التعليم بتاعة زمان ما يعرفش الفرق بين قناة صدى البلد وموقع صدى البلد»، وتابع: «طبيعي إنه لما يبقى عنده مشكلة مع القناة يروح الموقع ومعاه بودي جاردات عشان يدبح المسئول.. ويضرب ويكسر عضم”عدد من الصحفيين والإداريين اللي كانوا شغالين في شفت بعد الفطار في أول يوم رمضان».

وأضاف: «طبيعي إن قلة الأدب في بلدنا مشفية.. عشان زمن المعلمين اللي بجد راح وانتهى.. وبقينا في زمن الشمحطية والواغش ولحم الحمير.. طبيعي إن مقار ومباني المؤسسات الصحفية والإعلامية تكون بعيدة عن أخلاقيات السلخانة اللي عايشين فيها دي.. بس نعمل إيه لو عقل البشر بقى مكانه عقل»، معلنا تضامنه مع الزملاء في موقع صدى البلد، وانتظاره لقرار النيابة.

You might be interested in