هاني الناظر لرامي جمال: البهاق غير خطير أو معدي وليس له مضاعفات

قال الدكتور هاني الناظر، أستاذ الأمراض الجلدية إن الفنان المطرب رامي جمال نشر علي صفحته منشورا أعلن فيه انه يعاني من مرض البهاق وقد تناقل كثيرون هذا المنشور وكتب البعض عن المرض معلومات خاطئة تماما.

وكشف الناظر أن هناك معلومات خاطئة عن مرض البهاق مؤكدا أن مرض بهاق مرض غير خطير وليس له أي مضاعفات والأهم أيضا انه مرض غير معدي نهائيا.

وأكد الدكتور هاني الناظر أن البهاق مرض مناعي ناتج عن خلل في الجهاز المناعي في صورة نشاط مناعي زائد وليس ضعف في المناعة كما يشاع والمرض لا يعوقه عن عمله ولقاء وإمتاع محبيه بأغانيه الجميلة.

وقال جمال عبر حسابه على إنستجرام «الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده».

وتابع «فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان».

https://www.instagram.com/p/B4sw1dVAzOD/?fbclid=IwAR0v0IHZJuV0BtDof1cw22kF5x9QvB3yoIeVntySGYvzy0bUPIFl5-4p82A