أبرزها "لو على قلبي وخليني جنبك".. أشهر أغنيات صنعت نجومية نادر نور قبل معاناته من قلة العمل

أثار الملحن نادر نور ضجة واسعة وجدلًا كبيرًا الساعات الماضية، بسبب تجاهل عدد من المطربين والنجوم له، ومحاولاته للعودة إلى الوسط الغنائي.

وبعد دعم المستشار تركي آل الشيخ رئيس هيئة الترفيه بالسعودية، للملحن نادر نور، تساءل الكثيرون عن أعماله السابقة، فهو تعاون مع المطرب الراحل عامر منيب، الذي غنى من ألحانه أغنية في حضنك، و «إنت معايا، ويا سلام عليك، وليالي تفوت».

ألحان نادر نور

كما لحن أيضًا للفنان فضل شاكر أغنية لو على قلبي، وتعاون مع الفنان عمرو دياب في أغنية خليني جنبك، مع هيفاء وهبي في أغنية حاسة ما بينا، بجانب مدحت صالح بأغنية بتغريني، وإليسا لحن لها أغنية لو تعرفوه، ومحمد حماقي بأغنية مقدرش أنساك.

كما اتجه نادر نور في 2009 إلى الغناء، وطرح ألبومه الأول بعنوان «أول ما نبدأ»، وضم أغاني «قولي الحقيقة، ومش مستاهلة، تهدد مين، والوقت عدى، وجربت، وفاكر كلامك، وملحقتش أغيب، ودايمًا فاكرها»، وفي 2025 طرح ألبوم ضم أغاني «هنسى كل الناس، وجدعة، وجاي أحبك، ومعجزات، و12 بالليل».

استغاثة نادر نور من قلة العمل

كتب نادر نور في منشور عبر حسابه الرسمي بموقع فيس بوك: «بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بيها لأني ببساطة محتاج اللي يساعدني».

وتابع: «وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول اشتغل معاه للمرة الأولى».

واستكمل نادر نور: «ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت أحس بالرفض وعدم التقبل وأنا مش متعود أزن على حد أو أطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري».

واختتم: «أخيرًا معنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي.. أنا مش زعلان من حد.. وأسف على الإطالة».