أحمد الفيشاوي: بقيت جد وربنا أنقذني من المخدرات لكن ليا جناح في المصحة

كشف الفنان أحمد الفيشاوي أسرار صادمة من حياته الشخصية لأول مرة، حيث تحدث عن حادثة غريبة حدثت عندما كان في الـ 17 من عمره.

قال أحمد الفيشاوي عبر تصريحات تلفزيونية، إنه تسبب في حريق في فندق، كان منتجع كبير مليء بالأشجار، معلقًا: «كنت بلعب مع أصدقائي والفندق كان أرض واسعة ممتلئة بالأشجار والجناين وكان في شعل نار للتدفئة فقولت لأصحابي إحنا ناخدها ونتخانق ونحطب بيها».

أسرار أحمد الفيشاوي

وتابع: «واللي شعلته تتكسر وتقع على الأرض وتولع في الجنينة يبقى خسر.. فالأوتيل كله ولع بالغرف والأجانب اتفزعوا وجروا وبابا هو اللي صلح الاوتيل كله وقسط كل المصاريف».

وقال أحمد الفيشاوي عن تجربته مع المخدرات: «99% من الشباب بيمروا بأزمة المخدرات، لكن الحمدلله ربنا أنقذني، دماغي كانت هي اللي شدتني للمخدرات، كنت بحب أجرب وأكتشف، واستخدمت جميع الأنواع باستثناء الأنواع التي تؤدي إلى الموت، وليا جناج خاص بيا في المصحة بروحه كتير للعلاج النفسي وليس الإدمان وأنا عندي 17 سنة الدكتور شخصني بمرض Bipolar disorder (اضطراب ثنائي القطب)».

أحمد الفيشاوي

تصريحات أحمد الفيشاوي

وتحدث عن أصدقائه، قائلًا: «إحنا عيلة واحدة أنا ومحمد إمام وكريم محمود عبدالعزيز ممكن منتقابلش بالسنين لكن لو قعدنا مع بعض اكننا مسيبناش بعض لحظة، كنا شباب طايشين لكن دلوقتي خلاص كبرنا».

وتابع أحمد الفيشاوي: «حبي لشيرين رضا أبدي مش بيقدم هو حب صداقة وزمالة ولسة أصدقاء لحد دلوقتي، ومحمود حميدة هو صديقي الصدوق، ودايمًا نتكلم في التليفون، مش بيمر أسبوع من غير ما نتحدث، ولا 3 شهور من غير ما نتقابل».

واستكمل: «ومعز مسعود فنان في عزف الجيتار ومازلت على تواصل معه وأنا ومحمد دياب ومعز مسعود لسة على تواصل وبنتقابل، وأنا مقولتش في أزمتي أن كل الدعاة اتخلوا عني وهما أصدقائي اللي سندوني في أزمتي».

وقال أحمد الفيشاوي عن ابنته: «لو بنتي اتقدم لها عريس بنفس صفاتي هوافق عليه فورًا، يارب تلاقي حد زي أبوها، دلوقتي أنا بقيت جد وبنتي عندها 23 سنة».