أحمد داود: التحدي الحقيقي في اختيار العمل من القلب.. و"إذما" خطوة مؤثرة في مشواري

تحدث النجم أحمد داود عن فيلمه الجديد "إذما"، الذي عُرض ضمن موسم أفلام عيد الأضحى 2026، مؤكدًا أن اختياراته الفنية تعتمد بالأساس على الإحساس بالعمل وقيمته الفنية أكثر من التركيز على حجم الإيرادات أو أرقام شباك التذاكر.

وقال أحمد داود خلال لقائه في برنامج "سبوت لايت" مع الإعلامية شيرين سليمان، المذاع على قناة صدى البلد: "التحدي بالنسبة لي في اختيار العمل والرحلة وإني أقدم الفيلم من قلبي وبإخلاص، أما بقى عن هينزل إمتى وينزل مع مين وينزل هيحقق كام مش بتاعتي أوي".

وأضاف: "آه بدعي إن المنتج ميخسرش عشان يعرف يعملنا أفلام تانية، وطبعا أنا بتمنى إن إذما يجيب إيرادات أكتر من الهوى سلطان، بس أنا بالنسبة لي التحدي بيكون في البداية في اختيار الموضوع وإن أنا مصدقه ولا لأ، والمخرج ده بيشتغل من قلبه ولا لأ، والموضوع ده فعلا هيلمس الناس ولا لأ، فهي دي الحاجات اللي أنا مسؤول عنها وبعد كده بدعي يا رب ربنا يعديها على خير".

وتابع: "حظي إن المخرجين اللي لأول مرة بيفكروا دايما فيا في الشغل معايا زي كريم العدل في ولد وبنت، وهبة يسري في الهوى سلطان، ووائل عبد الله في يوم 13، ومحمد صادق في إذما، وده من حظي الحلو بيهم لأن بشوف إن المخرج اللي لأول مرة بيكون عنده شغف أكتر ومخلص جدا وبيحلم بالمشاهد وبيحارب عشان حلمه."