أحمد سعد: علياء بسيوني لسه مراتي.. وعمرو دياب بيتشتم 3 أيام في الأسبوع

فاجأ الفنان أحمد سعد الجمهور بحقيقة انفصاله عن زوجته علياء بسيوني للمرة الثالثة، موضحًا أنها مازالت زوجته رغم منشور الطلاق.

قال أحمد سعد عبر تصريحات تلفزيونية: «اللي يتجوز ست زى علياء ميعرفش يتجوز تاني إنسانة لذيذة ومحترمة وأم مثالية، وشخصية جميلة».

حقيقة انفصال أحمد سعد وعلياء بسيوني

وتابع: «لكن الخلافات بتصل بين أي اتنين وفي أي بيت، والدنيا كلها فيها خلافات، وهي تظل أم عيالي، وعلياء لسة مراتي لغاية النهاردة وهي اللي نزلت بوست الانفصال عشان هي عصبية شوية، لكنها لسه مراتي وأم عيالي».

وتحدث أحمد سعد عن سر إطلالته الأخيرة، ورد على منتقدي إطلالاته، قائلًا: «الهنود الحمر عملوا الضفاير في الدقن.. أنا لقيت شكلها لذيذ ومفيش أي مشكلة.. وأنا مش متشبه بالنساء مفيش ستات عندها دقن لغاية دلوقتي.. لكن أنا بحب أعمل حاجات تثير الدهشة.. وربنا ينظر إلى قلوبكم وليس إلى صوركم.. والسوشيال ميديا جعلت الناس كلها تخش حياة أي فنان ونجم وعايزين يعرفوا حياته عاملة إزاي، وعمرو دياب بيتشتم 3 أيام في الأسبوع 100 مرة بسبب التاتو اللي بيعمله وبيعمل أكتر من كده.. وأنا بحب عمرو دياب».

تصريحات أحمد سعد عن شيرين عبدالوهاب

واستكمل: «شيرين عبدالوهاب لها جمهور كبير وصوتها مميز جدًا والناس كانت منتظرة عودتها وفرحانين بأى حاجة هتقولها بعد الغياب ده لكن أغنية تباعًا معجبتنيش وقولتها مش أحلى حاجة لشيرين، وهى لو سمعتني دلوقتي مش هتتفاجئ».

وفيما يخص جدل «نمبر وان»، علق قائلًا: «الجمهور هو الحكم الأول والأخير على نجاح أي فنان، وأي فنان يصف نفسه بأنه رقم 1 لا يمكنه أن يفرض هذا الوصف على الجمهور، والتقييم الحقيقي يأتي من تفاعل الناس ومحبتهم ورغم ذلك محمد رمضان قم 1 بفارق كبير».