أحمد عبدالحميد: الفن شغلانة مالهاش أمان وأبويا وأمي حذروني

كشف الفنان أحمد عبدالحميد النصيحة التي تلقاها من والده ووالدته قبل دخول المجال الفني، موضحًا أن الفن ليس به أي أمان للفنان.

قال أحمد عبدالحميد عبر تصريحات تلفزيونية: «أبويا وأمي وخالي قالوا لي دي أكتر شغلانة مالهاش أمان بسبب تقلبات الوسط الفني، فعشان كده لازم تبقى ساند ضهرك بحاجة، ممكن الفنان يدعم نفسه بشهادة، بشغل، بيزنس خاص، عشان الفن مش أمان خالص، أنت خمسة فوق وخمسة تحت».

تصريحات أحمد عبدالحميد

واستكمل: «دي شغلانة ممكن تديك وبعدين تاخد منك كتير، التعامل مع أشخاص مختلفين ومتغيرين بحسب اليوم أو بحسب الأوضاع، يعني عندنا حيطه عايزين نهدها، وممكن تقعد بعدها شهور وسنين، فهي شغلانة مالهاش أمان طبعًا».

وكشف أحمد عبدالحميد تفاصيل موقف تعرض له في مسيرته الفنية، لافتًا إلى أن الكرمة في الوسط الفني تلعب دورًا كبيرًا في مجريات الأمور.

بدايات أحمد عبدالحميد

قال: «الموقف اللي حصل أثناء عملي مع الفنانة مروة جبريل في مسلسل، قمت بأداء أوديشين لمشهد رومانسي وبذلت فيه مجهود كبير، لكنه فوجئت بعد عرضه بأن المنتج والمخرج لم يكونوا مركزين وأول ما شغلوا الفيديو قالوا لا لا لا، أنا اللي قاعد وهو مش واخد باله، فقمت قلت له تمام وجبت له الفيديو اللي بعده».

واختتم أحمد عبدالحميد: «الراجل ده حتى في نفس اليوم عمل مشكلة، والشركة كلها قفلت، مبقتش موجودة في مصر أصلا والمساعد ده صعب عليا جدًا ساعتها، وبكينا مع بعض، يعني كسر بخاطر اتنين في ساعة، والشركة قفلت في الآخر».