أحمد موسى: الإرهابي عبدالرحمن موكا فضح العلاقة بين الإخوان وإسرائيل

أكد الإعلامي أحمد موسى، أن هولندا سمحت لكل الإرهابيين من مختلف دول العالم، بإجراء تجمع إرهابي "تورا بورا أوروبا" في لاهاي بهولندا له مشيرا إلى أن هذا التجمع مرتبط بالموساد.

وقال الإعلامي أحمد موسى، خلال تقديم برنامج على مسئوليتي المذاع على قناة صدى البلد، إن هناك دعوات للتحريض والإرهاب من داخل "هولندا ستان" لتحولها إلى بؤرة للمنظمات الإرهابية ، مضيفا: هؤلاء الإرهابيين كان التنظيم بتاعهم بيحكم الدولة المصرية منهم الجاسوس محمد مرسي والدول كلها كانت بتدعمهم في الوقت ده.

وتابع الإعلامي أحمد موسى: نشرت عن لندن ستان في عام 93، نشرت صفحة كاملة في الأهرام، ولما نشرنا المؤتمر بتاعهم فشل .. لندن لغت المؤتمر لما أحنا اتكلمنا عن خططهم الإرهابية.

وأضاف الإعلامي أحمد موسى: محمد مرسى ومحمد بديع المجرم، كانوا واخدين دعم من دول كتير بينهم هولندا، ولما التنظيم كان بيحكم خدوا الحكومة والوزارت والمحافظين وعينوا ناس وخدوا كل حاجة وجزء من الإعلام كان معاهم.

وأضاف الإعلامي أحمد موسى، أن محمد مرسى لم يبني أي طوبة في البلاد، معلقا: سحقوا الناس وقتلوهم ودمروا البلد، واللي عايش بره يقعد يهو هو من بره 13 سنة.. الهوهوة اللي شغالة منهم ويعملوا مؤتمرات ويمولوا وكل حاجة معروفة.

وذكر: والله العظيم كل حاجة متشافة.. ولا يفرق معانا ولا يتهزلنا شعراية.

وأضاف: اللي حصل اليوم ولد اسمه عبدالرحمن طارق موكا إرهابي إخواني، كان في مصر وبعدين هرب.. بيكلم عن علاقتهم بإسرائيل الولد دا .. الإرهابي الإخواني جابوه عشان يكلم وعاملينه بث مباشر.. شالو البث المباشر وحذفوا كل حاجة بس أحنا عندنا ناس صاحية مركزة شايفة.

وتابع: الفيديو دا مش هتلاقوه لأنه فضح العلاقه بين التنظيم الإخواني الإرهابي مع إسرائيل.. الصهاينة بيساعدوا الإخوان الإرهاب في التدمير والتخريب