أحمد موسى عن القانون المقترح بتغيير اسم العاصمة الجديدة: دوروا على حاجات تهم الناس زي المرتبات!

رد الإعلامي أحمد موسى، على مشروع قانون مقترح من نائب بمجلس النواب يتضمن تغيير اسم العاصمة الجديدة، موضحا أن العاصمة الجديدة هي جزء من القاهرة.

وتابع الإعلامي أحمد موسى، خلال تقديم برنامج على مسئوليتي المذاع على قناة صدى البلد، أن العاصمة جزء من القاهرة وليست كيان منفصل، معلقا: هذا الكلام خطر جدا العاصمة لازم تكون جزء من القاهرة، ومينفعش أخليها لوحدها.. نخليها لوحدها ازاي يعني ؟.

وأردف الإعلامي أحمد موسى: عندنا قوانين أهم من تغيير اسم العاصمة، دوروا على مرتبات الناس دخل الناس معيشة الناس.. دوروا على حاجات أولولية للناس، ازاي نعمل اجتماعات عشان نغير اسم.

وذكر: حضرتك نائب عن الشعب، ياريت ندور على قوانين تهم الناس، حضرتك منتخب عن الشعب.. هيفرق ايه مع المواطن نغير اسم العاصمة ؟، ياريت ندور إننا نزود مرتبات الناس ..جميل اسم العاصمة .. العاصمة الجديدة العالم كله عارفها بقت براند وكله بيقول رايح وجاي من العاصمة.. اشغلوا الشعب بما يهم الشعب.