أحمد موسي: الإرهابيين هدفهم القوات المسلحة.. والمؤسسة العسكرية قوية وتمتلك عقيدة

قال الإعلامي أحمد موسى، أن ما يحدث في سيناء ومواجهة الجيش للإرهابيين للقضاء عليهم، يحتاج لمجلدات ومسلسلات تعرض طوال العام وليس على مدار شهر رمضان الكريم فقط.

وقال أحمد موسى، خلال برنامج « على مسئوليتي» المذاع عبر فضائية «صدى البلد»: 'أنا عايز أقول لكل المشاهدين حطوا نفسكم في مشهد الضرب اللي حصل في حلقة امبارح من مسلسل الاختيار، تخيلوا إن اللي بيحصل ده معاكم شخصيا'.

وأضاف: 'حجم التضحيات اللي بيقدمها الجيش من 2013 كبيرة للغاية وتحتاج لكتب ومجلدات، ومسلسلات تعرض خلال العام بالكامل وليست خلال شهر رمضان فقط، الجيش بيضحي علشان يحافظ على سيناء وبيدفع الثمن غالي'.

وتابع: 'الشهيد منسي وغيره من الأبطال هما اللي طلبوا بنفسهم يروحوا سيناء، وراحوا علشان يدافعوا عن بلدهم واستشهدوا، ومهما نشوف من مسلسلات جيشنا بيواجه كتير جدًا'.

واستطرد قائلًا: 'الإرهابيين كانوا بيشتموا الجيش زي بديع والعبيط المتخلف البلتاجي، واتعمل اجتماع في مارس 2013 واتكلم فيه الرئيس عبد الفتاح السيسي وقال مش هنسمح بالمساس بمؤسستنا العسكرية، ومرسي كان واقف جنبه ماقدرش ينطق ولا يفتح بوقه لأنه ماكنش يقدر ينطق'.

وأضاف: 'الإرهابيين هدفهم القوات المسلحة وهيفضل ده هدفهم، لكن مؤسستنا قوية ولن تتأثر لأنها تمتلك عقيدة'.

البث المباشر ٢