أروى جودة ترد على المتنمرين: حسين إني رايحة فرح وحد اتريق عليا قدام الناس

تحدثت الفنانة أروى جودة، عن تعرضها للتنمر بسبب زيادة وزنها، في مسلسل نعمة الأفوكاتو، الذي عرض في النصف الأول من رمضان عام 2024.

أروى جودة ترد على المتنمرين

قالت أروى جودة في تصريحات تلفزيونية: 'انتشر على الانترنت صورة لي من المسلسل الإضاءة فيها بشعة، وأيضا زاوية التصوير، بالتأكيد كانا لخدمة السياق الدارمي للمسلسل، وكلمات تغيريت الإضاءة اختفلت الملامح'.

وأردفت أروى جودة في كلامها، وقالت: 'الحاجة الثانية إن أنا فعلا تخنت، قالوا لي إن عندي كسل في الغدة ودي حاجة مش ذنبي، نفترض إن أنا حبيت إني اتخن أو عملت تجميل وطلعت وحشة، مش محتاجة إنك تشتمي الشخص، ممكن تقولي يا ريتها ما عملت، أو التجميل مش لايق عليها، أو التُخن مش لايق عليها'.

وأضاف: :لما تقولي إن الشخص توصفيه بالغباء والناس التانية تدخل تزود معاه الشتيمة، ملهاش أي سبب غير تجرحي الشخص، إن كان أنا أو غيري'.

تصريحات أروى جودة

واسكملت أروى جودة الكلام: 'أنا عارفة إنه كان موقف بسيط وبيبقى في أوحش من كدة بكتير، بس حسيت إنه زي ما تكوني رايحة فرح والناس اتريقت عليكي قدام الناس'.

وواصلت: 'ملهاش لازمة، ممكن تعترضي وتقولي مش حلو ياريت ماتعمليش، وأنا نفسي بشوف بنات كتير وشها بيبوظ، ويجب الأخد في الحسبان أن هذا التصرف صادر من شخص ربما عنده عدم ثقة في النفس'.

واختتمت كلامها: 'عندنا هذه المشكلة في المجتمع وتحديدا مع الأجيال الصغيرة، إنهم اعتادور رؤية نفسهم مختلفين عن الحقيقة واعتادوا على شكلهم بالفلتر، وطول الوقت عايزين يبقوا شبه الفلتر، الشتيمة والإهانة مش هتحل المشكلة'.