أزمات مروة عبد المنعم بين اكتئاب وتنمر بسبب ارتداء الباروكة.. القصة الكاملة

تصدرت الفنانة مروة عبد المنعم مؤشرات البحث خلال الساعات الماضية وذلك بعد تعرضها للتنمر بسبب الباروكة التي ترتديها، لتكون هذه الأزمة من ضمن الأزمات التي تعرضت لها مؤخرًا.

موقع قناة صدى البلد، يرصد فيما يلي عدد من الأزمات التي تعرضت لها الفنانة مروة عبد المنعم مؤخرًا. إليكم التفاصيل.

أزمة مروة عبد المنعم والباروكة

تحدثت الفنانة مروة عبد المنعم عن أزمتها النفسية الأخيرة، وسر ارتدائها باروكة مما عرضها للتنمر، وكتبت في منشور عبر حسابها الرسمي بموقع فيس بوك: «وأخيرًا إفراج نهائي من الباروكة.. بعد دوامة نفسية سيئة جدًا دخلت فيها.. وصلتني لـ 70 كيلو وسقوط شعري بالشكل ده».

وتابعت: «اضطريت ألبس فيها الباروكة.. وواحدة واحدة بدأت أفوق بفضل ربنا وأرجع لوزني وشكلي.. لكن فضل شعري في الأزمة وطبعًا هو ماتعالجش بنسبة 100% بس أخدت الأمر بالإفراج عنه وتكملة العلاج عادي.. أنا كان فيه ناس كتير بتقعد تقولي إنتي لابسه باروكة ليه شكلك مش حلو فيها».

واستكملت مروة عبد المنعم: «بس مكنتش عايزة أقول وقتها ولا عايزه أتكلم.. بس كان الكلام بيوجعني قوي ويزعلني على نفسي جدًا.. الخلاصة يا جماعة محدش ينقد حد على شكله.. محدش عارف جوه الكواليس فيه إيه.. بلاش نقد وتعليقات.. دلوقتي لأنا أقدر أقول وأتكلم ولا أخجل».

مروة عبد المنعم

وأضافت: «أنا مريت بأزمة نفسية كانت صعبة عليّ جدًا.. عمري ما كنت أتخيل أن الوجع النفسي ممكن يدمر بالشكل ده.. لحد ماعشته وجربته بس اللي كان بيوجع أكتر هو تدخل الناس في شكلي ولبسي للباروكة.. أنا عايزة أقولكم أنا أكتر إنسانة في الدنيا لا ليا في ميك اب ولا باروكة ولا أي حاجة صناعي».

أزمة نفسية لـ مروة عبد المنعم

واختتمت مروة عبد المنعم: «وكون فكرة إني أربط حياتي بباروكة كنت بتخنق وبموت منها.. فمكنش ناقص تعليقات كمان.. دلوقتي أقدر أقول لكل الناس اللي قالتلي إنتي لابسة باروكة ليه.. اتفضلوا حضراتكم الصورة تتحدث عن نفسها».

مروة عبد المنعم وقصة اكتئابها

وعلى جانب أخر، تعرضت الفنانة مروة عبد المنعم لأزمة أثرت على حالتها النفسية منذ 6 أشهر آدت إلى زيادة وزنها وسقوط شعرها، ما جعلها تلجأ إلى طبيب نحت الجسم.

عاشت مروة عبد المنعم أيام فقدت خلالها اتزانها وشغفها، أشارت إلى أنها عندما عادت لتصوير مسلسل طبيبة شرعية وجدت أن وزنها زاد 15 كيلو واصبحت 70 كيلو، رغم أنها لا تأكل كثيرًا، ولهذا لجأت لأحد الأطباء الذين سعدوها على نحت جسمها.

كتبت مروة عبد المنعم عبر حسابها بموقع التواصل الاجتماعي فيسبوك: 'من حوالي ست شهور، كنت في حاله نفسيه صعبه جدا، كنت فاقده فيها إتزاني وفاقده شغفي، كانت أسؤ أيام مرت عليا وكأني كنت في غيبوبة، مكنتش حتي ببص لنفسي في المرايه مخدش بالي من شكلي اللي اتغير وكل الناس يقولولي مالك ماكنتش سامعاهم'.

وتابعت: 'لحد مارجعنا نكمل مسلسل طبيبه شرعيه اللي وقف الست شهور دي واتفاجئت هنا بنفسي لما كل الناس شافتني اتخضت وإتفاجئت ان كل راكورات اللبس مابتدخلش فيا اكتشفت اني تخنت 15 كيلو، وزني وصل لـ 70 كيلو، مع إني مكنتش باكل خالص'.

واستكملت مروة عبد المنعم حديثها، قائلة: 'اكتشفت ان كل حاجه باظت في جسمي شعري كله وقع ده سبب اني بلبس باروكة في الفتره الأخيره ومبظهرش بشعري التهابات شديده في القولون، بتخن مش عارفه من إيه مابقتش عارفه أروح فين ولمين لحد ماحد قالي علي دكتور وشكرولي فيه جدا  وفعلا أنا رايحاله مدمره تماما، والنتيجه زي ماانتوا شايفين'.

واختتمت كلامها، وقالت: 'وقف معايا وقفه قويه كان معايا يوم بيوم ماسبنيش ده مش إعلان ولا هو يعرف اني هنزل البوست ده بس كان لازم أشكره علي وقفته وتعبه معايا وتشجيعه ليا الصوره الأورنج دي زد عليها خمسه كيلو كمان، واللي عايزه أقوله كمان ..خلوا بالكم من نفسكم ..احنا بنستهون بالزعل والحزن ..ومعندناش ثقافة الإكتئاب وعلاجه ..الحزن هو موت بطيئ .. الحمد لله علي كل حاجه'.

وصية مروة عبد المنعم

كما حرصت الفنانة مروة عبد المنعم على كتابة وصيتها، مشيرة إلى أنها تريد أن لا يرتدي أي شخص اللون الأسود ويستبدلوه باللون الأبيض عند وفاتها.

كتبت الفنانة مروة عبد المنعم عبر حسابها بموقع التواصل الاجتماعي فيسبوك: 'عايزة أوصيكم وصية، لما أموت أرجوكم ..محدش يلبس إسود نهائي'.

وتابعت: 'البسوا الأبيض، امشوا في جنازتي لابسين أبيض إتجمعوا في عزايا لابسين أبيض وتعالوا زوروني لابسين أبيض، وإفتكرولي كل حاجه حلوه ...ولو كنت زعلت حد مني يخلي قلبه أبيض ويسامحني ..أنا عايزه أسيبها وأنا خفيفه و نظيفة'.