أسماء صالح صاحبة ترند «عاوزة أتجوز»: مش ندمانة على البوست.. وجالي عرسان كتير جدا

قالت أسماء صالح، صاحبة ترند «عاوزة أتجوز»، إن منشورها الذي أثار جدلا واسعا على مواقع التواصل الاجتماعي لم يكن بهدف البحث عن عريس بشكل مباشر، وإنما للتعبير عن فكرة تخصها وتخص الكثير من الفتيات في مصر.

وأوضحت أسماء، خلال مداخلة هاتفية مع الإعلامية نهال طايل ببرنامج «تفاصيل»، المذاع على قناة صدى البلد 2، أنها لا ترى عيبا في أن تبحث الفتاة عن شريك حياة وفقا للشروط التي تناسبها، مؤكدة أنها ليست نادمة على المنشور، وأنها تلقت بعده عددا كبيرا من عروض الزواج.

وقالت: «في البداية كنت بعبر عن فكرة تخصني وتخص بنات كتير في مصر، وهي إن البنت اللي بيكون عليها أضواء كتير، وناجحة في شغلها وحياتها، وبتتعلم وبتشتغل على نفسها، ممكن بعض الرجال يترددوا في الاقتراب منها، لأنهم يفكروا إن عندها طلبات كتير في الجواز أو إنها مش بتفكر أصلًا في الجواز

وأضافت: «أنا ماكنتش بعرض نفسي للجواز، ولو كان ده هدفي كنت استغليت العروض اللي جاتلي قبل البوست أو بعده، لكن الموضوع مش كده، أنا كنت بعرض فكرة مش أكتر، والموضوع اتفهم بشكل غلط».

وأكدت أسماء صالح: «الحمد لله أنا ناجحة في شغلي، وبشتغل لايف كوتش وباحثة في المجال النفسي، والرسالة الأساسية من كلامي كانت التعبير عن فكرة موجودة عند بنات كتير».