أسما شريف منير ترد على الهجوم بعد زواجها الثالث: قلبي مسامح وربنا اللي بيعوض

ردت الفنانة والإعلامية أسما شريف منير على موجة الانتقادات والتنمّر اللي اتعرضت ليها مؤخرًا بعد تصريحاتها عن سبب زواجها الثالث.

وأكدت في رسالة مطولة عبر حسابها الرسمي على "إنستجرام" إنها ما بتردش الإساءة بالإساءة، وإن قلبها مليان تسامح مش ضعف، لكن قوة.

أسما كتبت: "لكل شخص شتمني أو اتنمر عليا، أنا مش بزعل ومش باخدها على قلبي، مش لأني ما بحسش، لكن لأني تعلمت إن القلوب اللي فيها نور بتعفو وبتعدي.. أنا اخترت أكون من الناس اللي ربنا يحبها".

وأكدت أسما إنها ساباها على ربنا، واستشهدت بآيات قرآنية عن التسامح والعفو، مضيفة: "أنا عندي رسالة أمل، وبشجع كل ست إنها تبدأ من جديد، من غير ما تخاف من المجتمع ولا من نظرات الناس… ربنا هو اللي بيعوض، مش الناس".

واختتمت كلامها برسالة دعم لكل امرأة بتواجه أحكام المجتمع، وقالت إنها بتحسب كل التنمر والكلام السلبي حسنات، وإنها مؤمنة إن ربنا شايف وبيعوض.