أمينة خليل عن فيلم شماريخ: عمرو سلامة راهن عليّ وحقق حلم من أحلامي

تحدثت الفنانة أمينة خليل عن مشاركتها في فيلم شماريخ، في المؤتمر الصحفي على هامش عرضه بمهرجان البحر الأحمر السينمائي 2023.

قالت أمينة خليل عن فيلم شماريخ وتعاونها مع المخرج عمرو سلامة: «بحب أستسلم لأي دور، وظهرت مش حاطة مكياچ وشي كله دم وتراب، وعمرو سلامة ميتوصاش إدانا خبرة جديدة.. أنا أول ما دخلت المجال قررت أكون مركزة في شغلي وأقدم أي دور بشغف وحب وبقلب».

أمينة خليل فيلم شماريخ

وتابعت: «يمكن مخرج يشوف ده يحب يشتغل معايا أو منتج يحب ده، عمري ما بحسبها بالطريقة دي لما بيجيلي سيناريو لو حسيت إنه بيحركني بوافق عليه، وبحس السينما بتدي مساحة للواحد يقدم حاجات مختلفة.. وأنا مش بحب أقول عندي رسالة عايزة أوصلها بس فيه حاجات معينة مهمة بالنسبة لي وبحب أقدمها بحس فيها قلب ونبض زيادة».

وعن مشاركتها بفيلم وش في وش بنفس وقت تصوير فيلم شماريخ، قالت أمينة خليل: «التجربتين كانوا مختلفين، وش في وش خد وقت أقصر وكل الفيلم اتصور داخل لوكيشن واحد، وشماريخ كان عكس تمامًا مكناش بنكمل يوم في مكان واحد.. وكان نفسي من زمان أقدم أكشن والفرصة جاتلي مع عمرو سلامة».

برومو فيلم شماريخ

تصريحات أمينة خليل

وأضافت: «أفضل حاجة في الفيلم إنه مش بيتصنف أكشن بس، لقيت خط رومانسي في النص وخط درامي وتغيير اللوكيشن من مكان لمكان كان بيخدم كل مشهد.. فيلم شماريخ تجربة وتحدي جديد بالنسبة لي.. كما أن عمرو سلامة راهن علىّ وحقق لي حلم من أحلامي، ومنحني فرصة تقديم فيلم أكشن».

واختتمت الفنانة أمينة خليل حديثها عن فيلم شماريخ: «مع قراءتي الأولى للسيناريو لم أستطع تصنيفه لأن به مشاهد دراما ورومانسي وحركة، تلك النوعية تمنح الممثل المساحة في الإبداع».

فيلم شماريخ

آسر ياسين فيلم شماريخ