أول تعليق من أحمد شيبة بعد سرقة شقته: إحنا عيلة واحدة

حرص المطرب الشعبي أحمد شيبة على توضيح حقيقة الأنباء المنتشرة عن سرقة شقته، التي انتشرت خلال الساعات الماضية.

كتب أحمد شيبة في منشور عبر حسابه الشخصي بموقع فيس بوك: «توضيح مهم بالنسبة للأخبار المنتشرة عن سرقة شقتي.. الأخبار المنتشرة على السوشيال ميديا غير حقيقية نهائي ده موضوع قديم وكانت شقتي اتسرقت، وخلاص وحاجتي لقيتها في وقتها».

حقيقة سرقة شقة أحمد شيبة

وتابع: «وكان فيه دهب أيوة بس مكانش كتير والحمدلله في وقتها لقيته بس موضوع الفيلا ده مش حقيقي الحمدلله.. مش عارف ليه الشائعة دي طلعت دلوقتي مع أن الموضوع قديم بس الحمدلله».

واستكمل أحمد شيبة: «أهل بيتي لما لاقوا الخبر انتشر كتبوا بس محدش صرح أن الموضوع ده جديد، فكل الكلام اللي اتقال إحنا عيلة واحدة ومفيش أى حاجة من دي حصلت».

رد أحمد شيبة بعد سرقة شقته

واختتم: «اه حصل السرقة من فترة وفي ساعتها الحاجات رجعت مش عارف مين اللي نزل الخبر دلوقتي وعمل الكلام ده كله.. أنا حبيت أوضح بنفسي الحقيقة».