أول تعليق من محمد رمضان بعد صفعه لشاب في الساحل الشمالي

خرج الفنان محمد رمضان عن صمته وعلق عن حادث صفعه لشاب أثناء تواجده في الساحل الشمالي.

ونشر محمد رمضان مقطع فيديو عبر صفحته الرمسة على فيس بوك، وجه من خلاله رسالة إلى جمهوره قائلاً: «الجمهور العدل الأصيل الغالي.. ألف شكر وربنا ما يحركمنيش منكم على وقفتكم معايا وقريت وسمعت قد ايه دافعتوا عني وقد ايه غلطوا الولد الصغير ولكن الفيديو ده أنا عامله عشان اعترف بخطئي وأعتذر لأهل الولد الصغير اللي أنا ايدي اتمدت عليه  وأنا عارف أنه عيل صغير».

وأضاف محمد رمضان، قائلاً: «أنا لما قلعته الكاب وبصيت في وشه لاقيته عيل صغير، قولتله اسمك ايه يا حبيبي قالي اسمي كذا وهو اعترف بده وسيبته ومشيت، لما رجع وغلط تاني لفيت وقولتله هات التليفون فخبأ التليفون متمالكتش نفسي وضربته قلم بسيط، القلم البسيط ده طيرله الكاب اللي على راسه والنضارة اللي كان لابسها».

وتابع محمد رمضان قائلاً: «انا لو هعتبر النموسة اللي وقفت على خدي دي قلم، فأنا استاهل من النموسة دي 5 عشان أنا مديت ايدي على عيل صغير ودي لا رجولة ولا بطولة إني امد ايدي على عيل صغير، وهي دي الغلطة اللي أنا طالع اعتذر عنها».

وأوضح محمد رمضان قائلاً: «لما خدت التليفون مسحت الفيديو، واحد قالي اكسرله التليفون عشان ما يعملش كدة تاني، قولتله هو عيل وغلط لكن أبوه وأمه ذنبهم ايه يغرموا ثمن تليفون تاني، خاصًة لما عرفت أنه من قرية تانية اسمها اللوتس وجاي يتفسح في مراسي، والأمن كان هيعمله محضر وقولتلهم لأ يروح بعد اذنكم».