هشام نصر يطالب بمعاقبة زيزو بعد أزمة منصة التتويج

علّق هشام نصر، نائب رئيس نادي الزمالك، على واقعة قيام أحمد سيد زيزو، لاعب الأهلي، بتجاهل مصافحته خلال مراسم التتويج بكأس السوبر المصري.

وقال هشام نصر، خلال تصريحات تلفزيونية، «ما حدث من زيزو على منصة التتويج في نهائي السوبر "تصرف غير محترم وغير منضبط"، مطالبًا بضرورة أن يُعرض اللاعب على لجنة الانضباط باتحاد الكرة بشكل فوري.

وأوضح نائب رئيس الزمالك قائلًا: «الأعراف والبروتوكولات في تسليم الجوائز واضحة جدًا، والذي يحصل فيها يجب أن يكون هناك احترام متبادل، إنما ما قام به زيزو ليس من أخلاق اللعبة ولا من سلوك لاعب محترف».

واستطرد قائلًا: «لو كنا إحنا خالفنا البروتوكول، كانوا هيطلعوا يقولوا علينا غلطنا، طب ليه لما الطرف التاني يغلط محدش بيتكلم؟ ولا لازم نرد بنفس الأسلوب علشان ناخد حقنا؟».

وتابع قائلًا: «أنا ممدّدتش إيدي أسلم على زيزو، لأنه كان طالع شكله مش طبيعي ومتعمد يتجاهل، رغم إني كنت ناوي أسلم وسلمت على كل لاعيبة الأهلي اللي طلعوا قبله»

ومضى يقول: «احترام البروتوكول مش رفاهية، دا واجب، ولازم يكون في رد من لجنة الانضباط عشان أي لاعب بعد كده يعرف إن اللي عمله زيزو ميتسكتش عليه».