أول رد من أحمد سعد على انتقادات صورة «الخلخال»: الناس فسروه غلط

تعرض الفنان أحمد سعد للعديد من الانتقادات قبل أيام، بسبب نشره صور ظهر من خلالها مرتديًا أسورة في قدمه، وشببها البعض بالخلخال.

ورد أحمد سعد على الانتقادات عبر تصريحات تلفزيونية له، قائلًا: «لا خلاخيل و لا حاجة هما الناس فسروه غلط والناس كلها بتلبس مثلها دي خيط».

انتقادات أحمد سعد

وفيما يخص سبب تصدره التريند وحديث رواد مواقع التواصل الاجتماعي بإطلالاته، علق قائلًا: «علشان أحمد سعد مسجل في موضوع التريندات وله سوابق كثيرة وهو خيط من هيرميس Hermès معمول للرجال وليس للنساء ومفيش شراشيب بس أوعدكم الشراشيب جاية خلال الفترة الجاية».

وعلى الجانب الآخر، طرح الفنان أحمد سعد دويتو مع الفنانة اللبنانية إليسا، على طريقة الفيديو كليب بعنوان «حظي من السما»، عبر قناته الرسمية على يوتيوب.

أحمد سعد

أغنية أحمد سعد وإليسا

وجاءت أغنية «حظي من السما»، ضمن فقرات برنامج أحمد سعد وشقيقه الفنان عمرو سعد والذي يُعرض على إحدى القنوات الفضائية، محققًا نجاحًا كبيرًا على مواقع التواصل الاجتماعي.

أغنية حظي من السما، غناء أحمد سعد وإليسا، من كلمات مصطفى حدوتة، وتقول كلمات أغنية حظي من السما:

«الدنيا راقتلي أول ما عينيك ضحكتلي

مبسوطة إن أنت معايا ودي أجمل حاجه حصلتلي

الدنيا خادتني بس إنتي عينيكي خطفتني

مش فارقه الدنيا معايا وأنا جمبك إيه اللي ناقصني

ده أنا حظي من السما إن أنا وأنت قاعدين سوا

ده اليوم اللي بعيشه معاك عندي بباقي السنة

ده أنا حظي من السما إن أنا وأنت قاعدين سوا

ده أنا عيني لما تكون شايفاك بتشوف الباقي هوا

الوقت فايتني من يوم ما إيديك لمستني

دي القاعدة معاك يا حبيبي أكتر حاجة بتبسطني

ولا حد فارقلي ومعاكي الجو رايقلي

أنا وإنت واحد يا حبيبي ولايقلك وإنت لايقلي

ده أنا حظي من السما إن أنا وأنت قاعدين سوا

ده اليوم الاي بعيشه معاك عندي بباقي السنة

ده أنا حظي من السما إن أنا وأنت قاعدين سوا

ده أنا عيني لما تكون شايفاك بتشوف الباقي هوا».

أحمد سعد

إليسا وأحمد سعد