أول رد من محمد رمضان بعد منع صعايدة من دخول إحدى السينمات لمشاهدة فيلم أسد

علق الفنان محمد رمضان على واقعة منع صعايدة، من دخول إحدى السينمات لمشاهدة فيلمه الجديد «أسد».

وكتب محمد رمضان في منشور عبر حسابه الرسمي بموقع فيس بوك: «شرف ليا وللسينما و لكل صناع فيلم أسد دخولكم الفيلم».

وتابع: «لو ماشلتكوش الأرض أشيلكم على راسي.. واثق في رد فعل معالي وزيرة الثقافة باعتذارها الرسمي لكل الصعايدة في مصر».

واختتم محمد رمضان: «السينما للجميع يا فندم ودي أبسط حقوق الشعب».

وكان قد كتب محمد دياب مخرج فيلم أسد في منشور عبر حسابه الرسمي بموقع فيس بوك: «اللي حصل ده جريمة مينفعش يتحرم أي مواطن من خدمة أو دخول مكان بسبب لبسه، واللي في الحالة دي هو زي مصري خالص لازم نفخر به».

محمد دياب ينتقد منع صعايدة من دخول فيلم أسد بإحدى السينمات

وتابع: «المفارقة أن ده يحصل مع ناس داخلة تتفرج على فيلم أسد اللي هو بالأساس ضد العنصرية.. إحنا عازمين الناس المحترمة دي على الفيلم وأنا هخش معاهم بالجلابية شخصيًا.. وطبعًا الغلطة اللي حصلت مسؤولية السينما مش أسرة الفيلم».

واختتم المخرج محمد دياب: «وإحنا بندين أي نوع من التفرقة ضد أي شخص، ولو محصلش اعتذار وتغيير للمنع ده فإحنا ميشرفناش أن فيلم أسد يتعرض في السينما دي».