إحنا نقدر نحفل على العالم كله.. ضحك هستيري من محمد ثروت وعمرو رمزي على احتفال لاعب إيران بالهدف الملغي

سخر الفنانان محمد ثروت وعمرو رمزي من احتفال أحد لاعبي منتخب إيران الذي سجل هدفًا في مرمى هدف المنتخب الوطني في المباراة التي جمعتهما فجر السبت الماضي، حيث ظهرا مرتديين نظارات سوداء، في إشارة ساخرة إلى الاحتفال الذي أثار الجدل عقب احتفال بتسجيله هدفًا في مرمى شوبير ، قبل أن يُلغى الهدف، وعلقا: " دا ابن حلال ويستاهل، دا جاي مع مين، دا جاي معانا إحنا المصريين، إحنا نقدر نحفل على العالم كله".

وأضاف محمد ثروت خلال برنامج «قبل الماتش»، والمذاع على قناة صدى البلد، قائلًا:«هو أنت الوحيد اللي جبت هدف في كأس العالم، دا لاعب إيران لاعب عجيب وقلبه ميت، دا تحفل عليه من المصريين كلهم، دا جاي معانا إحنا، أنت بتحفل علينا إحنا، دا إحنا معلمين لما باب يخبط نعرف اللي برا مين».

وتابع: «إحنا نقدر نحفل على العالم كله، بس إحنا مش هنعمل كدا يا عمرو عارف ليه، علشان إحنا طيبين ومؤدبين، مش عاوزين نحفل علشان محدش يزعل مننا».

وأردف محمد ثروت:«120 مليون حفلوا عليه، هو يستاهلها، إحنا ضحكنا وهرجنا وهنرج تاني، خلاص نقفل الاحتفال دا، ونركز في مباراة أستراليا في الدور 32 من بطولة كأس العالم».

واستكمل:«يا عمرو دي رابع حلقة وإن شاء الله نكمل معاكم لنهاية كأس العالم، وناخد كأس العالم، اللي معه ربنا يمشي على ميه، وإحنا ماشين على الميه، والمباريات اللي جاية أبيض أو أسود مفيش وسط بينهم، لو جالك الشيطان، قول أعوذ بالله من الشيطان الرجيم».