إلغاء الهبوط.. شوبير يكشف مفاجأة عن شكل الدوري الموسم المقبل

كشف الإعلامي أحمد شوبير، مفاجأة حول شكل الدوري المصري في الموسم الجديد 2025-2026، مؤكدا أنه قد يتم إلغاء الهبوط بالموسم الجاري.

وقال شوبير في تصريحات إذاعية :"الشكل العام كده بيقولي إن اتحاد الكرة هو اللي هيدير الدوري الموسم المقبل وليس الرابطة، والشكل العام كده بيقولي أن الوجوه القديمة ستعود مرة أخرى، وهنا لا أقصد عامر حسين، أنا بحترمه جدا على المستوى الشخصي".

وأكمل :" الرابطة حاليا مش قادرة تحدد موقفها، والسنادي المفروض هيهبط فريقين وهيصعد 3 يعني الموسم الجديد هيكون 19 فريق، اتحاد الكرة رافض هذا الأمر وأنا موافقه، لأن مفيش حاجة اسمها 19 نادي".

وواصل :" حاليا بيعدلوا نظام الهبوط والصعود، وأنا شايف إنهم رايحين لسكة إلغاء الهبوط في الموسم الحالي، وده إحساسي، وقد يكون هناك دوري من مجموعتين".

وأتم قائلا :" اتحاد الكرة حاليا لازم يدعو الرابطة للاجتماع ويظبطوا الدنيا مع بعض، عشان بس يكون في نجاح".