إلهام شاهين: محمد خان خبط السيناريو في وشي وقال "لو اشتغلنا مع بعض هقتلك"

تحدثت الفنانة إلهام شاهين عن موقف جمعها بالمخرج الراحل محمد خان، وتسبب في عدم تعاونها معه طوال مشوارها الفني.

قالت إلهام شاهين في ندوة رجال محمد خان ضمن فعاليات مهرجان الجونة السينمائي: «كان المفروض أشتغل مع محمد خان في "هند كاميليا" وكان بيجيلي البيت نعمل بروفات في شهر ونصف وفي آخر مقابلة قبل بدء التصوير بـ 3 أسابيع قولتله هسافر وهاجي على التصوير».

وتابعت: «قالي لا الممثلة بتاعتي ممنوع تسافر وتبقي تحت أمري وكنت رايحة لمصحات التخسيس وحاجزة ودافعة فلوس وقرر يدخل تصوير بعد أسبوع قولتله مش هينفعني قالي مش هينفع تشتغلي معايا وخبط السيناريو في وشي».

واختتمت إلهام شاهين: «وكان لما يشوفني في أي حتة يبصلي بقرف ومنسلمش على بعض وبعدما اعتذرت له قالي إنتي عنيدة مش هشتغل معاكي ولو اشتغلنا مع بعض هقتلك».