إنجي المقدم: اتخضيت من تدابير ربنا ومن نجاح دوري في «الست موناليزا»

تحدثت الفنانة إنجي المقدم عن كواليس مسلسل الست موناليزا، بعد نجاحه في النصف الأول من شهر رمضان 2026.

قالت إنجي المقدم عبر تصريحات إذاعية: «المميز في مسلسل الست موناليزا أنه فعلًا مسلسل رمضاني حدوتة بسيطة وبتشدك وتستفزك إحنا كنا بنشتغل كارهين بشاعة العائلة».

تصريحات إنجي المقدم عن مسلسل الست موناليزا

وتابعت: «المسلسل به جرعة عالية من الظلم والحبكة الدرامية أحداث كتير متلاحقة وكره وظلم وغلب وقفلات الحلقات والأغنية والموسيقى التصويرية.. عمل رمضاني أوي، وأنا اتخضيت من نجاح دوري واتخضيت أكتر من تدابير ربنا لأني الخطة مكنتش ماشية كده خالص».

واستكملت إنجي المقدم: «كان المفروض هعمل مسلسل يتصور في دبي وبنحضر له ووسط التحضيرات اتعرض عليا الست موناليزا ضيفة 5 حلقات وكنت مستخسرة أسيب الدور ومسلسل دبي اتأجل، الحقيقة زعلت ولكن سبحان الله تدابير ربنا غير كل حاجة، وشخصيتي في الست موناليزا، مختلفة عني خالص ومجاتليش قبل كده».

شخصية إنجي المقدم في مسلسل الست موناليزا

وأضافت: «هي شخصية كريهة ومتتحبش ولكني حبيتها وشفت فيها حاجة استفزتني أني اشتغل عليها وأطلع فيها تفاصيل كتير، وظروف التصوير كانت صعبة، كنا بنبقى كتير في مشهد واحد فالتصوير بيبقى طويل فكنا بنتعب أوي، ولكن الناس كانت لطيفة، وحصلي حاجة غريبة في المستشفى من ساعة ما اتحطيت على السرير وأنا بصرخ حتى في البروفة، جاتلي حالة من الهيستريا لدرجة أن بعد المشهد حسيت أن ضغطي علي، ومي عمر وشيماء سيف كانوا بيهدوني».