إيناس عز الدين تكشف تطورات حالتها بعد خضوعها لعملية جراحية في العين

كشفت المطربة إيناس عز الدين تطورات حالتها الصحية، بعد خضوعها لعملية جراحية في العين خلال الساعات الماضية.

كتبت إيناس عز الدين في منشور عبر حسابها الرسمي بموقع فيس بوك: «تمت العملية بحمد الله تعالى.. دعواتكم في اللي جاي.. يارب هون».

تطورات حالة إيناس عز الدين

وقبل دخولها العمليات بساعات، نشرت صورة لها من المستشفى تكشف إصابة عينها، وعلقت قائلة: «عملية عاجلة في عيني وأنا عندي فوبيا من عمليات العيون وفكرة إني أشوف بيحصل إيه في عيني».

وتابعت إيناس عز الدين: «حتى لو تحت التخدير مخلياني جسمي بينتفض والله دخلت جراحات كتير بس ببنج كلي ومعنديش فوبيا من الجراحات عمومًا إلا في العين فكرة جراحة وأنا صاحية ومفتحة وفي عيني وأشوف الإبر وكل حاجة بتدخل في عيني مموتاني».

إيناس عز الدين تخضع لعملية جراحية في العين

واستكملت: «إدعولي تعدي على خير وربنا يقويني لأن فعلاً مش قادرة أوصف الحالة اللي أنا فيها وكل ده بسبب خطأ طبي ومتابعة خاطئة كمان وتثبيت من الدكتورة وفي المتابعة تقولي عينك زي الفل وبتتحسن والجرح قفل وهي بتتدهور يوم بعد يوم من مشكلة بسيطة بشهادة كل الدكاترة يدوب محتاجة قطرة ومضاد حيوي ويومين راحة وأبقى زي الفل».

واختتمت إيناس عز الدين: «لجرح وصل لـ 4 مل ولعملية وتليف في جزء من الملتحمة وقص وخياطة وليلة كبيرة بلا داعي».