الإعلامي كريم رمزي يحكي «حلاوة التجربة» بعد إصابته بفيروس كورونا

حرص الإعلامي بقناة أون تايم سبورت كريم رمزي، على توجيه الشكر لمتابعيه بعد الاطمئنان على حالته الصحية، عقب إصابته بفيروس كورونا المستجد -كوفيد 19-.

وكتب كريم رمزي، عبر حسابه الشخصي على موقع التواصل الاجتماعي "فيسبوك": "حلاوة التجربة .. كنت مأجل الكلمتين دول لحد ما ربنا يتمم شفائي تمامًا بس شوفت إن في حالة سلبية كدة عند كل الناس تقريبًا فقولت اخش أقول كلمتين وأشكركم".

وأضاف: "أنا اليومين اللي فاتوا دول في تجربة ربنا ليا بالفيروس شوفت فيها أحلى أيام حياتي أحلى حب من كل الناس أنا شفت اللي عمر ما في خيالي كان ممكن يجيبه والله من حب.. نفسي أشكر كل واحد بالاسم كلكم ناس عظيمة بس للأسف هنسى أكيد".

وتابع: "أنا الحمدلله بقيت زي الفل وكلها يومين تلاتة وأبقى كويس بنسبة كاملة وده بفضل ربنا ودعواتكم.. هكلمكم لاحقًا كتير عن تجربة المرض وسهولتها وازاي تعدي منها بيسر تام بس الأول هقولكم حاجة مختصرة في التجربة دي".

واستكمل رمزي: "متخافوش من الأخبار السلبية ربنا بس بيجربكم وبيجرب ايمانكم .. اللي خلق الدكتور والعلاج وخلاك تخف من الأمراض هو الأجدر إنه يخففك مباشرة لو عجز الدكتور أو العلاج".

https://www.facebook.com/karim.ramzy1/posts/10163506851415567