«الجيل الجديد واللغة العربية وخطر الـ AI».. لماذا انفعلت يسرا في ندوتها بمهرجان الجونة؟

انفعلت الفنانة يسرا في ندوة المستقبل يتحدث العربية، ضمن فعاليات مهرجان الجونة اليوم الأحد.

وجاء انفعال يسرا أثناء نقاشها حول اللغة العربية والجيل الجديد، قائلة: «المدارس بتخرج جيل جديد مبيعرفوش يكتبوا اسمهم ومتخرجين».

وتابعت: «كلمهم في أي حاجة باللغة العربية ميردش عليك صح».

واستكملت يسرا: «أطفالنا بقوا يتكلموا إنجليزي بسبب المُربيات الأجانب والكرتون اللي بيسمعوه إحنا مش عارفين قيمة اللغة العربية».

وقالت أيضًا: «ولازم نفرضها زي ما هما فارضين علينا الإنجليزية إحنا أفلامنا كانت بتلم الناس كلها بسبب لغتنا».

وحذرت الفنانة يسرا من تأثير الذكاء الاصطناعي والألعاب على الإنترنت على عقول الأطفال، قائلة: «الـ AI بيلغي الفكر وفي أطفال موتوا نفسهم بسبب الألعاب على النت وهو مش طفل 7 سنين، ولكن عنده مخ يعرف يفكر ويعرف الخطر فين ورغم كده ماتوا، ده تأثيره على مخه، وده أخطر ما يمكن».