الرئيس السيسي: البلد مكانتش قادرة تمشي من غير هد ولو اتهدت مش هتقوم تاني

أكد الرئيس السيسي أن الوعي بأهمية اختيار الشخص المناسب لا يقدر بثمن.

وقال خلال حواره مع المتقدمين للالتحاق بأكاديمية الشرطة: «إحنا بنستخدم من 250 إلى 300 مليون أنبوبة، الدعم للأنبوبة 300 مليار جنيه، والدولة لو بتوزع دعم جنيه لمليون واحد الدولة بتدفع مليون جنيه».

وأضاف: «فاتورة الدعم بتمثّل في الوقود والخبز والكهرباء وغيرها بإجمالي 600 مليار جنيه».

وتابع: «وأنا قلت لازم أحل مشكلة مصر وفقرها، وأنا عارف أن الحل قاسي ومؤلم، والربط ما بين الواقع اللي موجود وفهمك كجزء من الدولة المصرية عشان محدش يعبث بعقلك».

وتسائل الرئيس السيسي هل الحل إن إحنا نقوم نهدها ونبنيها، لما هي ما كانتش قادرة تمشي من غير هدم؟ دي لو اتهدت دلوقتي مش هتقوم تاني حتى لو بعد 100 سنة "

وأوضح: «عايزين 50 تريليون جنيه في السنة عشان نقوم مصر من غير ما نستلف، ولازم تكون المدرسة والسكة الحديد وكل ده من غير سلف، لو استلفت يبقى بتخربها، وقلل فاتورة السلف بأن مصروفي ما يكونش فيه أعباء».