الرئيس السيسي: لو التقدم والتنمية تمنه الجوع والحرمان إوعوا يا مصريين متقدمهوش

كشف الرئيس عبد الفتاح السيسي، إن لما أقول عمل مسئول منقوص أو فاسد أو غير مدروس، يبقى أنا بظلم جهده وأحط تراب على اللي عمله .

وتابع خلال مؤتمر حكاية وطن، بيقولوا الانتخابات محسومة، محدش هيدي حد حاجة، ولا حد هياخد من حد حاجة، أنا بقولكم إذا كتير من الناس والحملات والسياسة وكلام من هذا القبيل، بسأل هل في يقين عند حد؟.

وأضاف الرئيس عبد الفتاح السيسي: مفيش حد بياخد أكتر من نصيبه ولازم يرضى بيه ولا يقاتل عليه، ولكن نصيبه ده بتاع ربنا.

وأردف: دي دولة ومشكلتها في السنين اللي فاتت، هزوا ثقة الناس فيهم، مش فيا أنا ولكن فيهم هما، ده في ناس استكترت علينا طريق وكوبري،  ده لسه بدري قوي على الجهد والمثابرة .

واستطرد الرئيس عبد الفتاح السيسي: لو التنمية والتقدم تمنه الجوع والحرمان، اوعوا يا مصريين متقدمهوش وتقولوا ناكل أحسن.

وواصل: والله العظيم والله العظيم لو تمن التقدم والازدهار للأمة، الجوع، يبقى مناكلش ومنشربش، يا جماعة لو عاوزين يبقى ليكم مكان على الخريطة في دولة 95 % منها صحراء.

واختتم: هما يتحروا الكدب وعاوزين يتكتبوا عند ربنا كدابين ومخربين، وحجم الذنب اللي بيتحملوه فوق خيالكم لأنهم بينكدوا على شعب كل يوم .