الرئيس السيسي: متقلقوش ربنا معانا.. وبندير الأمور بإخلاص في عصر عز فيه الشرف

أكد الرئيس عبد الفتاح السيسي، سعي القيادة السياسية إلى تخفيف آثار الأزمة العالمية عن كاهل المواطنين المصريين.

وأضاف الرئيس السيسي خلال كلمته في افتتاح عدد من المشروعات التنموية في المنيا الجديدة، أن إحدى فتيات المنيا سألته: أنت مش خايف، فقال لها: لا مش خايف.

الاطمئنان على مستقبل مصر

وأوضح الرئيس أنّ الفتاة كانت تقصد الاطمئنان على مستقبل مصر، مضيفا: «أنا مش قلقان خالص، وبنحاول نخفف الآثار الصعبة على الناس كلها ودايما بنفكر وربنا بيهدينا بالأفكار اللي نقدر نحل بيها الأمور، لكن الأزمة العالمية تحتاج إجراءات أكتر، وإحنا بنحاول».

وتابع الرئيس السيسي: «أنا مش خايف لسببين أولهم إن ربنا موجود وقادر يحمينا كلنا، بس عايز أقول لكم على حاجة، محدش يقلق علشان إحنا بندير الأمور بشرف وإخلاص وأمانة في عصر عز فيه الشرف، أوعوا حد يخاف من بكرة لأنه هيكون بأمر الله سبحانه وتعالى أحسن من النهاردة، افتكروا 2013، والوقت الصعب والخطر الشديد اللي كنا فيه».

وأردف الرئيس أنه خلال الاعتداء على المنيا وجه قوات تدخلت في 10 ساعات لمنع حدوث فتنة وحرب أهلية في مصر.

واستكمل الرئيس السيسي: «ربنا وقف معانا وحمى الناس الطيبة في كل حتة في مصر وربنا هيعيننا ويقدرنا وهتشوفوا كتير أوي».

أهل الشر

وقال: «صدقوني هم في حرب معانا على طول، ومش فاهمين ومش عارفين، ودايما بيستخدموا كل الأدوات الممكنة بالكذب والغش والشائعات، ومنهجهم التزوير والغش والادعاء، بس المصريين بقالهم 10 سنين في الكلام ده وعندهم وعي».

واختتم السيسي: «أنا مش قلقان علشان كل أسرة مصرية واقفة جمبي، وربنا يخليكم ويحميكم وطول ما إحنا كده مع بعض محدش هيقدر يعمل حاجة».

الرئيس السيسي يوجه الحكومة بالتعجيل بإعداد حزمة لتحسين دخل العاملين

الرئيس السيسي يلتقى الأطفال المشاركين فى برنامج «كابيتانو مصر».. صور

الرئيس السيسي لمتطوعي مشروعات حياة كريمة: جهدكم يشرف ويفرح

الرئيس السيسي يتناول الإفطار مع أهالي قرية المعصرة في المنيا