الرئيس السيسي يوجه بتنظيم رحلات طلابية للمشروعات القومية: تعالوا شوفوا اللي بيتعمل بأيادي إخوانكم

قال الرئيس عبدالفتاح السيسي إن استصلاح 3.5 مليون فدان يعادل ثلث الأرض الزراعية في مصر ضمن التوسع الأفقي في الزراعة، وكميات المياه المستخدمة وأرقام محطات معالجة المياه التي يتم ضخها في تلك المشروعات كبيرة جدا.

وأشار الرئيس السيسي خلال افتتاح مجمع مصانع الأسمدة الأزوتية بالعين السخنة إلى أن عدد كبير من المواطنين تساءل عن سبب تصدير الفوسفات مادة خام؛ وذلك بسبب أن مصر كان لديها الغاز لعمل الأسمدة الأزوتية، معلقا: «بالمناسبة الغاز الطبيعي كأفضل استخدام ليه أن يدخل كقيمة مضافة في الصناعة وليس كوقود، وخلال 8 سنوات تفاوضنا مع كبرى الشركات لإنجاز مشروع ضخم مثل مجمع مصانع الأسمدة الأزوتية، والبالغ تكلفته نحو 800 مليون دولار».

وعلق الرئيس السيسي قائلا: «مينفش أعمل مصنع زي دا لازم يكون عندي غاز وكهرباء، طب لو معنديش هعمله ازاي، وبقول للحكومة والقوات المسلحة ووزارة الداخلية: اعملوا رحلات لطلبة الجامعات للمشروعات اللي زي.. تعالوا شوفوا اللي بيتعمل بأيادي إخوانكم.. ومش هنسمح لحد يعبث بعقول شبابنا.. ولما شباب جامعة أسيوط زاروا مشروع توشكى سألوا هي الحاجات دي بتاعتكوا ولا لأ».

واستطرد الرئيس السيسي: «هل مصر خلال 40 سنة عملت برنامج لاستصلاح 3.5 مليون فدان، لا أقصد أي شيء بالسؤال، هناك فرق بين التغطية الإعلامية والميدانية لمثل تلك المشروعات، وبكرر كلامي تاني علشان نعمل مشروع وسط سيناء والدلتا الجديدة كونا محتاجين محطات رفع لتوصيل المياه للأراضي، دي مش تكلفة اقتصادية، وبنرحب بالمستثمرين وعملنا كدولة أراضي زراعية، بنتكلم على نظم ري وزراعة حديثة».

وتابع الرئيس السيسي: «من حق الناس تشوف اللي بيتعمل وتتعايش معاه؛ لأن اللي بيتعمل فضل كبير من ربنا وأرقام مالية هائلة وجهد بشري لنصل لما نحتاجه وتقليل فجوات الغذاء».

واختتم الرئيس السيسي: يظل النمو السكاني تحد كبير، واتفقنا على عمل ضمان للأسعار وهو الحد الأدنى المدفوع للمزارع في أي محصول يتم توريده، وحال زيادة السعر يتم الشراء من المزارع بسعر وقت الحصاد بمنتجات مثل القمح والذرة وعباد الشمس والأرز.

الرئيس السيسي يشهد افتتاح مجمع مصانع الأسمدة الأزوتية بالعين السخنة.. اليوم

الرئيس السيسي: نرحب بالمسؤولين والشركات الإيطالية للعمل في مصر