«السوشيال ميديا زي القمار».. عمر كمال يكشف أسرار أرباحه وطريقة تقسيمها

تحدث المطرب الشعبي عمر كمال عن الأموال التي يتلقاها من الحفلات بجانب «السوشيال ميديا، ويوتيوب».

قال عمر كمال عبر تصريحات تلفزيونية: «الحفلات اللايف أكتر من السوشيال ميديا، السوشيال ميديا بتحصلها بعد شهر أو شهرين هي زي القمار يوم في العالي يوم في الواطي».

وتابع: «لو أغنية ضربت مثلا جابت 100 مليون مشاهدة، مش بيديني على المليون 1000 دولار زي ما الناس بيقولوا ده كدب، بيديني على الوقت اللي الناس سمعت فيه الأغنية وحسب الإعلانات المحطوطة يعني مثلا مشروب غازي كبير غير إعلان مناديل، ولازم الأغنية تعدي عدد معين عشان تدخلك دخل».

واستكمل عمر كمال: «لكن الحفلات اللايف وأنت واقف بتقبض، وأكتر يوم عملت فيه رقم قياسي في الحفلات كان 6 في اليوم، وساعات بيكون في محافظات ممكن يبقوا 3 حفلات بمقام 8 أو 10، ممكن أروح حفلة بدري وبعدها في المنصورة وبعدها في الساحل الساعة 5 الصبح».

وأشار إلى أن أي أموال يتقاضاها فجزء كبير منها لفرقته، خاصةً أن العازفين يعانون كثيرًا لذا عليه أن يعطيهم جزء كبير من الدخل.