انتصار: مسلسلات أحمد العوضي متشافة ودايمًا الأعلى مشاهدة

علقت الفنانة انتصار على جدل الأعلى مشاهدة، موضحة أن مسلسل علي كلاي هو الأعلى مشاهدة في رمضان 2026.

قالت انتصار عبر تصريحات تلفزيونية: «مسلسلات أحمد العوضي متشافة ودايمًا الأعلى مشاهدة مبسوطة بالشغل معاه».

تعليق انتصار على جدل الأعلى مشاهدة

وتابعت: «الأعلى مشاهدة هو علي كلاي طبعًا بناء على أرقام، وعلى مواقع التواصل الاجتماعي كله بيقول علي كلاي وده ميقلش من قدر وكفاءة والجهد اللي اتعمل في المسلسلات التانية».

وقالت عن شخصيتها ضمن أحداث العمل: «معلمة كبيرة في التوفيقية متحكمة في البيت وفي التجارة والسوق، جوزها مكسور عينه قدامها لأنه بيشتغل بفلوسها هي اللي عملته بفلوسها وكبرته».

تصريحات انتصار

واختتمت: «شخصية جبارة هي بتشتغل في سوق قطع غيار السيارات فلازم تبقى بالمواصفات دي، هي بتفكر منطقيًا بصرف النظر عن أنها شريرة في القرارات بتاعتها دماغها مظبوطة، والتفكير المنطقي ده جزء مني لكن أنا ست عادية مش قادرة خالص، كل لما أحس إني نجحت نجاح غير متوقع أقول لنفسي إيه الحلاوة دي يا انتصار».