بالدموع.. أنغام: «كنت خايفة أسيب ولادي ودعيت ربنا أرجع أعيش وسطهم تاني».. فيديو

حسين أنسي 28 اغسطس 2025 | 10:27 صباحاً

نشرت الفنانة أنغام رسالة صوتية مؤثرة، عبر حسابها الرسمي على انستجرام، كشفت من خلاله تفاصيل أزمتها الصحية الأخيرة، كما توجهت بالشكر لكل من وقف بجوارها خلال رحلة علاجها في ألمانيا.

بدأت أنغام رسالتها وهي تبكي قائلة:'صباح الخير.. أنا فكرت أكتب ولا أتكلم بصوتي وحسيت إني محتاجة أتكلم معاكم بصوتي، وأقول لكل حد وقف جانبي ودعالي من قلبه وكل شخص اكتشف أنه بيحبني، أو حتى مكنش بيحبني وقرر بإنسانيته أنه يدعيلي ويدعمني في المحنة اللي عديت بيها.. بشكركم من كل قلبي'.

وأضافت أنغام قائلة: 'بشكركم من كل قلبي.. أنتم دعيتم وربنا استجاب، ودعائكم كان هو الدواء وهو الإيد اللي بتطبطب

وهو اللي وقفني على رجلي بعد ربنا وبعد الدكاترة، مش عارفة أقول ايه ومش عارفة اتكلم ومش عارفة ما ابكيش من فرحتي والإمتنان للشكر لله ولكم'.

وتابعت أنغام حديثها قائلة: 'اللي مالي قلبي دلوقتي وموقفني على رجلي أنكم دعيتم لأنغام من قلوبكم، وكمان دعيتم لـ أم اتمنت من ربنا إنها تكمل كمان شوية في الحياة مع أولادها وتفرح بهم وترجع تعيش وسطهم تاني، وكان كل خوفي إني أسيب ولادي.. مكنتش عايزة حاجة خالص من الدنيا غير إني بدعي من ربنا إني أكمل مع ولادي وارجع أعيش وسطهم تاني

أنا عديت بمحنة صعبة جدًا عليا وشديدة جدًا بس شكرًا لله أللي حط في قلوبكم كلكم زملائي وأصحابي وأخواتي ومحبين بيحبوني لله وجمهور بيحب أنغام جمهور كبير قوي وعظيم قوي ونادر الوجود'.

أزمة الفنانة أنغام الصحية

مرت الفنانة أنغام خلال الأشهر الأخيرة بمرحلة صحية دقيقة أثارت قلق محبيها، بعد أن اكتشف الأطباء إصابتها بورم حميد في البنكرياس، عقب معاناتها من آلام متكررة في الجهاز الهضمي.
بدأت رحلة العلاج في ألمانيا حيث خضعت لعملية جراحية بالمنظار أُزيل خلالها معظم الكيس، إلا أن تطور حالته دفع الأطباء إلى إجراء تدخل جراحي ثانٍ أكثر تعقيداً، تم خلاله استئصال الورم مع جزء محدود من البنكرياس.

حفل أنغام في بريطانيا

ورغم هذه التجربة الصعبة، حرصت أنغام على طمأنة جمهورها مؤكدة أن حفلتها المقررة في لندن ستُقام في موعدها المحدد يوم الثلاثاء 23 سبتمبر على مسرح 'رويال ألبرت هول'، بمصاحبة أوركسترا يقوده المايسترو هاني فرحات، لتؤكد من جديد إصرارها على مواصلة مسيرتها الفنية دون توقف.