بعد استغاثته من قلة العمل.. مي فاروق تدعم نادر نور وتطلب أغنية من ألحانه

حرصت الفنانة مي فاروق على دعم الملحن نادر نور، بعد استغاثته واستيائه من قلة العمل، وعدم استطاعته العودة للوسط الغنائي.

كتبت مي فاروق في منشور عبر حسابها الشخصي بموقع فيس بوك: «أنا كنت واخدة إجازة شوية ورجعت اشتغل على حاجات وأول الأسامي اللي كنت قايلة إني حابه أتعامل معه هو أنت يا نادر».

مي فاروق تدعم نادر نور

وتابعت: «ومحمد شاهد على الكلام ده وبما إنك أخونا الغالي ومبدع دايمًا فأنا عايزة أعمل أغنية ألحانك من فضلك مش

إحنا كنا قايلين كده برضو؟».

وكان قد أعرب الملحن نادر نور عن استيائه من قلة الأعمال المعروضة عليه، وانضم لصوته أيضًا الملحن إسلام زكي.

استغاثة نادر نور

كتب نادر نور في منشور عبر حسابه الرسمي بموقع فيس بوك: «بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بيها لأني ببساطة محتاج اللي يساعدني».

وتابع: «وللناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول اشتغل معاه للمرة الأولى».

واستكمل نادر نور: «ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا واللي بيرد على التليفون مرة مبيردش تاني وبقيت أحس بالرفض وعدم التقبل وأنا مش متعود أزن على حد أو أطلب الحاجة أكتر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري».

واختتم: «أخيرًا معنديش مشاكل مع حد ولا بكتب الكلام ده لكسب تعاطف حد وكل الاحترام والتوفيق لزملائي.. أنا مش زعلان من حد.. وأسف على الإطالة».