بعد مي عمر.. أول رد من ياسمين عبدالعزيز على اتهامها بشراء لجان إلكترونية

علقت الفنانة ياسمين عبدالعزيز على شائعات وجود خلافات داخل لوكيشن مسلسل وننسى اللي كان، واتهامها بشراء لجان إلكترونية.

شاركت ياسمين عبدالعزيز متابعيها وجمهورها بنشرها صورة لمشهد من مشاهد الفنان عادل إمام، عبر حسابها الرسمي بموقع فيس بوك.

وأرفقت الصورة بتعليق؛ 'أنا عملت كل ده؟'، وقبلها بساعات دافع عنها السيناريست عمرو محمود ياسين مؤلف مسلسل وننسى اللي كان.

كتب عمرو محمود ياسين في منشور عبر حسابه الرسمي بموقع فيس بوك: «حقيقي أنا مش مصدق اللي بيحصل مع الفنانة ياسمين عبدالعزيز لو تتر اتغير من حاجة لحاجة يبقى ياسمين.. لو ممثلة أو ممثل بيقول جملة معينة هنا أو هنا يبقى ياسمين.. (طيب أنا رُحت فين) لو حد لابس لبس معين يبقى ياسمين!».

وتابع: «لو شخصيه متسمية اسم بعينه يبقى ياسمين.. وأقسم بالله أن هذا غير حقيقي!.. لأن المسلسل له مؤلف ومخرج ومنتج وستايلست وأقسام تخصصية.. إحنا مش هواه.. إحنا بنشتغل وكل واحد فينا بيحترم دور الآخر وكل واحد مسؤول عن اختصاصاته ودوره في العمل».

واستكمل عمرو محمود ياسين: «أكيد بنتشاور وبنفكر مع بعض كلنا للوصول لأفضل قرارات اللي فيها مصلحة المشروع.. بس الموضوع كله تصفية حسابات للأسف الشديد.. وهي بقت مش عارفة تعمل إيه لما تطلع ترد الناس تقول لها بتردي ليه؟ ولما تسكت الناس بتصدق الاتهامات!».

وأضاف: «حقيقي أنا بشفق عليها ولكن اللي بيخليني أهدى أن ياسمين قوية جدًا.. جدًا جدًا وبتقابل ده كله بسخرية وضحك وبترد تقولي أنا مش شايفاهم.. بس أنا متعود أواجه والناس اللي بتتابعني عارفين عني ده ولازم الجمهور يعرف الحقائق».

واختتم: «لأن أنا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدًا جدًا.. وربنا يصلح حال الجميع.. وخالص التقدير والاحترام للجميع».

كما علقت الفنانة مي عمر على اتهامها بشراء لجان إلكترونية، برسالة غامضة.

كتبت مي عمر في منشور عبر خاصية الستوري التابعة لحسابها الرسمي بموقع انستجرام: «يعني أنا يوم ما أفكر أعمل لجان.. هروح أشتري لجان هندي؟».

وتابعت: «أكيد أنا مش بالسذاجة دي، ده أنا لو في 2 KG هفكر أحسن من كده يا جماعة، أنا لو هصرف على حاجة.. هصرف عليها صح».

واستكملت مي عمر: «واللي عملت القصة دي برافو على الخيال فعلا.. بس خليني أقولك حاجة مهمة، أنا مش محتاجة لجان، واللي أتعمل ده شغل رخيص أوي».

واختتمت: «اللي واثق من نفسه ومن جمهوره، بيركز في شغله وبس وأنا مركزة في شغلي.. ونجاحي هو اللي بيرد.. الست موناليزا مزعل ناس كتير».