بعد 4 سنوات.. نهال عنبر تكشف سر عدم إعلان زواجها

أثارت الفنانة نهال عنبر ضجة واسعة وجدلًا كبيرًا الساعات الماضية، بعد تصريحاتها الأخيرة وإعلان تفاصيل زواجها.

قالت نهال عنبر عبر تصريحات تلفزيونية: «أنا متجوزة بقالي 4 سنين لكن أنا مش بتكلم في حياتي الخاصة».

زواج نهال عنبر

وأضافت: «العمر مش بيفرق معايا سواء أصغر أو أكبر مني، وزوجي الحالي أصغر مني لكن بشوية مش كتير، وفي السن ده الفرق سنة اتنين أكبر أو أصغر مش كتير المهم ميبقاش قد ابني حسام مثلا طالما حلال مفيش نقاش فيه».

وتابعت نهال عنبر: «هو من خارج الوسط الفني، مش بنشر صور معاه لأني أنا بحب حياتي الخاصة تكون مقفولة عليا بالمفتاح مبحبش حد يعرف عني حاجة».

تصريحات نهال عنبر

واستكملت نهال عنبر: «أنا مش قصدي أخبي عشان حسد لكن ربنا بيحب أننا منبعترش حياتنا، حتى على مواقع التواصل الاجتماعي مش بنشر حاجة خاصة بيا، ولا حياة ابني ولا حياة أحفادي، حياتي الخاصة متشمعة بالشمع الأحمر».

وفيما يخص أجرها ببرنامج مقالب رامز جلال قبل عامين، علقت قائلة: «أجري مكنش كبير لأني مكنتش عارفة التفاصيل، وما اتفقتش على رقم زي اللي المفروض يتفقوا عليه، قلت لهم لو كنت أعرف، كنت طلبت رقم تاني غير اللي حصلت عليه، لأن دا رقم لبرنامج عادي»؟

واختتمت: «إحنا الأجر اللي خدناه كان على أساس إنه برنامج عادي، لكن لما تكون في مخاطرة، زي شقلبظات ومواقف خطيرة زي الغسالة اللي دخلوني فيها، فالوضع بيختلف،  ولولا إني رياضية، كان الوضع هيبقى أصعب، الأجر كان أكتر من 5 آلاف دولار، لكن مش هقول الرقم تحديدًا، وفي ناس بتاخد أكتر».

نهال عنبر