بفيديو من الاستوديو.. تفاصيل عودة حسام حبيب للغناء بعد غياب

كشف الفنان حسام حبيب كواليس تحضيراته للعودة لنشاطه الفني بعد غياب، من خلال مشاركة متابعيه وجمهوره بمجموعة من الفيديوهات.

ظهر حسام حبيب في الفيديوهات التي نشرها عبر خاصية الستوري التابعة لحسابه الرسمي بموقع انستجرام، يستعد لطرح أغاني جديدة من داخل الاستوديو ممسكًا بالجيتار.

عودة حسام حبيب بعد غياب

في وقت سابق، كان قد وجه الفنان حسام حبيب رسالة للفنان تامر حسني والفنان رامي صبري، بعد نجاح أغنيتهما «فعلا مبيتنسيش».

كتب حسام حبيب في منشور عبر خاصية الستوري التابعة لحسابه الرسمي بموقع انستجرام: «أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه».

رسالة حسام حبيب لـ تامر حسني

وتابع: «إخواتي وأصحابي تامر أنت من زمان وأحلامك وأفكارك كانت دايمًا تخص جيلك ودايمًا كنت بتتكلم معانا من وإحنا صغيرين باسم جيلنا مش باسم تامر بس أنت حلمت لجيلك».

واستكمل حسام حبيب رسالته لـ تامر حسني: «وعشان كده أنا فعلا فهمت يعني إيه نجم الجيل، كنت زمان فاهم إن المقصود بيها أنك الأنجح وده حقيقي، لكن النهاردة فهمت معناها الحقيقي أنت النجم اللي حلم لجيله مش لنفسه ودلوقتي حلمك بيتحقق يا صاحبي».

ومن جانبه، رد تامر حسني على رسالة حسام حبيب، عبر حسابه بموقع انستجرام، قائلًا: «حبيبي يا حسام.. إيه الكلام الجميل ده طول عمرك محترم وإنسان نضيف وفنان كبير.. لو استفزناك بجد يلا ارجع زي الأول وأكتر.. ارجع متعنا بأغانيك الراقية الجميلة والمزيكا الأجمل.. لأن ليك جمهور كبير بيستنى شغلك وأكيد ليهم حق عليك.. يلا يا حس صفحة جديدة مع مشوارك من النهاردة.. يلا أوعدني قدام الناس إنك ترجع تاني».