بهاء الدين محمد يكشف سر عدم ظهوره مع مطربات: دفعت ثمن نجاح «أكتبلك تعهد» لوحدي

كشف الشاعر بهاء الدين محمد سبب غيابه عن الساحة الفنية وخاصةً الظهور مع المطربات مؤخرًا، بعد أزمة حدثت عقب نجاح أغنية أكتبلك تعهد.

كتب بهاء الدين محمد في منشور عبر حسابه الرسمي بموقع فيس بوك: «كتير بيسألوني أنت ليه مابقيتش تنزل مع مطربات؟.. ومضطر أحكيلكم اللي حصل بعد كارثة نجاح أكتبلك تعهد اللي دفعت تمن نجاحها بكل الطرق!.. مطربة نجمة اتصلت تباركلي أيامها على النجاح وشكرتها وفوجئت تاني يوم إنها لغت الاستوديو لأغنية مهمة!».

وتابع: «ومطربة نجمة اتصلت بيا ومش عاجباها أكتبلك تعهد وعاملتها بكل ذوق احترامًا لغيرتها وبرضه لغت أغانيها معايا ومطربة نجمة كنا بنحضر 6 أغاني وفجأة لغت كل أغانيّا ومطربة نجمة كانت عايزة أكتبلك تعهد راب ولأني اعترضت على اللحن لأني عارف الشكل اللي لازم يحاوط كلماتي واتضايقت ولغت باقي شغلي ومانزلش والمطربة اللي قالت لملحن بهاء الدين محمد بيحب أنغام أكتر مني واللي واللي واللي..!».

واستكمل بهاء الدين محمد: «وهي دى المواقف اللي اتعرضتلها وتم عزلي رغم إن نجاح الأغنية المفروض يكون خير على كل صناع الأغنية ولكن لأن فكرتها مهمة اتاخد مني مواقف كتير! وكأنه عقاب ودفعت التمن لوحدي!!».

واختتم: «هى دي الحكاية باختصار جدًا بس أنا محترف ومتعود على كدة بعد كل نجاح زيادة!! بس أوعدكم.. بكام أغنية لكام مطربة مش منهم الفترة الجاية إن شاء الله وأعوضكم كل فترة الصمت اللى ماكانتش بإيدي».