بوسي: «كنت مجبورة على شارع الهرم وفكرت في الاعتزال»

تحدثت المطربة بوسي، عن ندمها بالعمل في فيلم شارع الهرم وموقفها من اعتزال الفن.

بوسي وفيلم شارع الهرم

قالت المطربة بوسي، إنها ندمها على العمل في شارع الهرم خلال فترة مبكرة في بداية حياتها الفنية، قائلة: مقلتش شغلي في شارع الهرم تنازل لكن ندمانه على الشغل في شارع الهرم لكن هو علمني اتعامل مع الناس وخلاني عندي خبرة في التعامل.

وقالت بوسي، في تصريحات تليفزيونية، إنها لم تكن تحب العمل في شارع الهرم لأنها لا تشبهها، مضيفة: بصراحة مكنتش حبه اشتغل في الاماكن دي والأماكن دي مش شبهي وشفت فيها حاجات كتير ولكن كنت عيلة صغيرة وبأكل عيش.

وتابعت: كنت مش عايزة استمر وكنت مجبورة على الشغل وكنت شغالة بالإكراه واضربت عشان انزل الشغل وتعرضت للإهانة، وبحمد ربنا أن ربنا لسه مخلي فيا عقل من اللي شوفته.

وأوضحت بوسي: اتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والاخر هي ست لكن عمري ما ظلمت حد بل ظلمت نفسي في حاجات كتير.

بوسي واعتزال الفن

وعن موقفها من اعتزال المهنة والتفرغ لمنزلها، فقالت: في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقي عايزة تسيبها مخضرة بس برجع افكر وتشوفي قد ايه تعبت وطلع عيني عقبال ما وصلت للي فيه وشقيت واستحملت حاجات كتير للوصول للنجومية.

وأضافت بوسي، أن هناك خطوات فنية كثيرة لم تنفذها حتى الان وتتمنى مفارقة الحياة في رضا الله فقط، مضيفة: في حاجات كتير لسه معملتهاش في الفن وبطلب من ربنا دايما ياخدني وراضي عني.