بيومي فؤاد يكشف أسرار البدايات: اشتغلت في ترميم اللوحات ولهذا السبب شهدت زور

كشف الفنان بيومي فؤاد أسرار من حياته الشخصية والفنية لأول مرة، بجانب كواليس بداياته.

قال بيومي فؤاد عبر تصريحات تلفزيونية: «أبويا كان نفسه حد من ولاده يدخل كلية فنون جميلة عشان هو كان شغال موظف تقيل هناك وفعلا جبت مجموع عالي في ثانوية عامة ودخلتها، واشتغلت شغلانات كتير قبل التمثيل، اشتغلت في ترميم اللوحات، وشاركت في ترميم عدد كبير من اللوحات وكانت شغلانة ممتعة جدًا رغم تعبها».

بدايات بيومي فؤاد

وتابع: «وبعدين بدأت أخد خطوات بسيطة نحو التمثيل، وكان الخطوة الأولى من المسرح، واشتغلت ضيف شرف في فيلم دكان شحاتة، كومبارس متكلم وخالد يوسف كان بيشرحلي وعمرو سعد نايم في المشهد، لقيته فتح عينيه وقالي إزيك يا بيومي».

كما كشف بيومي فؤاد عن موقف صادم تعرض له في طفولته، حين تم استغلاله للإدلاء بشهادة زور مما تسبب له في أزمة نفسية ما زالت عالقة في ذاكرته.

أسرار بيومي فؤاد

واختتم: «صاحبة البيت اللي كنا ساكنين فيه في الزمالك خدتني معاها لنقطة الجزيرة علشان أشهد زور على جار ساكن فوقنا، وكنت طفل صغير وقتها، والظابط مخدش أقوالي لأني كنت طفل، لكن لما رجعت البيت، والدي ضربني، ورغم إنه كان حنين جدًا، كان يضربني وهو بيعيط».