تامر حسني يشيد بسارة وفيق: المخرجة الوحيدة اللي إيراد فيلمها قرب للمليار

وجه الفنان تامر حسني رسالة للمخرجة سارة وفيق، مخرجة فيلم ريستارت، بعد تحقيقه إيرادات قياسية.

كتب تامر حسني عبر خاصية الستوري التابعة لحسابه الرسمي بموقع فيس بوك: «سارة وفيق مخرجة كبيرة قدمت فيلم بيجسد الواقع المرير، وإزاي ممكن بعض الناس يعملوا أي حاجة مهينة، وممكن يبيعوا مبادئهم وضمائرهم عشان التريند والمكسب السريع، يمكن الفيلم بيتفهم دلوقتي أكتر».

رسالة تامر حسني لـ سارة وفيق

وتابع: «شكرًا سارة وفيق، ومبروك كونك المخرجة السيدة الوحيدة اللي إيراد فيلمها تخطى الـ 95 مليون، واقترب من الـ 100 مليون داخل مصر و800 مليون خارجها يعني قرب المليار وده إنجاز كان لازم أذكره لمجهودك ولتحملك لحروب كتير كانت بتكسر فيكي».

واستكمل تامر حسني: «ودلوقتي الرد واضح وصريح، لأننا بنخاطب الجمهور مش أي حد تاني، والجمهور الكبير اللي دخل الفيلم مش ولاد أختك مثلًا، لا ده جمهور حقيقي صدق قد إيه فيلمك عبر عن الواقع، ولما افترضنا جوه الفيلم إن لو النت قطع، الدنيا هتنهار».

تصريحات تامر حسني

واختتم: «وكنا بنلفت نظر الناس والدولة كلها إن لازم يبقى فيه مسار احتياطي لحياتنا، فعلا النت قطع وعيشنا مأساة كام يوم.. فخور بيكي يا سارة وبشكرك من قلبي».