تامر حسني يعلق على جدل «الأعلى استماعًا»: المركز الأول لا يدوم لأحد

علق الفنان تامر حسني على جدل «الأعلى استماعًا»، والمنافسة بينه وبين الفنان عمرو دياب.

قال تامر حسني عبر تصريحات إعلامية على هامش المؤتمر الصحفي بحفله في مهرجان موازين: «المنصات بتبقى متقلبة طول الوقت، فيه مثلًا فنان بينزل بألبوم فبيطلع علشان ده بيتسمع، وفيه فنان تاني بينزل بألبوم فبياخد فرصته».

وتابع: «الفكرة أن ده كان موقف كنت بشرح فيه أن أنا لما كنت رقم واحد في الفترة دي أنا احتفلت بـ ده، بس طبعًا احترامًا لكل الزملاء محبتش أحط صورهم وأقول أنا رقم واحد وهما تحت لأني بحترم مجهود كل الناس، وعارف أني لما أقول أني في المركز الأول كان في حد قبلي الأول وبعدين أنا هنزل وهيطلع غيري وده طبيعي بس يمكن أنا محبتش أحط صور الفنانين تحت مبحبش أنا الفكرة دي ومش طريقتي».

واختتم تامر حسني: «كل فنان حر يحتفل إزاي، وأكيد كل فنان بيتعب وبيغير على شغله، فلما يحس أن حد مدالوش حقه ممكن يزعل ويتسائل ليه بيحصل كده، وفي الآخر إحنا أحباب وعمرو دياب فنان كبير إحنا كأجيال اتعلمنا منه وأنا بحبه على المستوى الشخصي والفني، وأنا بحترم جيلي جدًا كلنا أصحاب وطلعنا مع بعض».