توفيق السيد: منتخب مصر لعب بشرف.. وإنفانتينو حط إيده على خده لما تقدمنا.. فيديو

أكد توفيق السيد، نائب رئيس لجنة الحكام السابق، أن منتخب مصر قدم بطولة كبيرة، وما حدث أمام الأرجنتين لم يكن مجرد أخطاء تحكيمية، وإنما فضيحة فساد كبرى.

وقال خلال مداخلة هاتفية مع الإعلامي أحمد موسى في برنامج "على مسئوليتي" المذاع على قناة "صدى البلد": "منتخب مصر لعب بطولة بشرف في بطولة مفيهاش شرف، المنتخب متعرضش لظلم، إحنا تعرضنا لفضيحة فساد كبرى، الفيفا دلوقتي تُدار من الخارج، من شركات المراهنات وبعض المسؤولين".

وأضاف: "لاعب أمريكي أخد بطاقة حمراء تحرمه من 4 ماتشات، الرئيس الأمريكي كلم إنفانتينو ورجع، حذرت قبل المباراة من توجيهات الفيفا للطفل المدلل لأنه بيلعب في إنتر ميامي المملوك من شركات مراهنات وشركات يهودية".

وأوضح: "مينفعش نتكلم في التحكيم لأنه مكنش فيه تحكيم أصلًا، التحكيم كان فيه توجيه، وحكم الفار هو رأس الفساد، أنت بتلغي هدف صحيح، هدف زيكو".

وتابع: "حكم الفار الفاسد كان هيلغي الهدف الثالث للأرجنتين، ويحسب ضربة جزاء لينا، لأنه عندنا بعد ما سجلنا الهدف رجع للمخالفة الأولى الفاول، إحنا تعرضنا للخسارة بفعل فاعل".

واستكمل: "إحنا مش بنتكلم عن التحكيم لأنه مكنش فيه تحكيم، إنفانتينو لما جبنا هدفين حط إيده على خده كأنه عنده عزاء، ولما الأرجنتين تقدمت بقى سعيد، وكرة العالم تُدار من قبل هذا الفاسد إنفانتينو، وعجبني بيان الاتحاد المصري لكرة القدم".

واستطرد: "رئيس الاتحاد الدولي لكرة القدم المفروض تكون المنتخبات عنده كلها زي بعض، وبعدين ييجي يرفع العلم المصري اللي أشرف منه ألف مرة، وهذا أمر غير مقبول، إنفانتينو هو مدبر الجريمة عشان يخرج المنتخب المصري".

وتابع: "شكرًا لقيادتنا الحكيمة، والرئيس السيسي مهتم وعايز يشوف الحالة النفسية للاعبين، وهو دائمًا يفعل ذلك، والعالم كله ضد إنفانتينو، ممكن يعملوا جمعية عمومية ويسحبوا منه الثقة لفساده، وإحنا بعيد كل البعد عن كرة القدم، مكنش موجود ده قبل كده".

وأوضح: "الأعلام الإسرائيلية القذرة كانت موجودة في مدرجات الأرجنتين، أول ما مصر قربت تكسب بدأ يدور على العقود ويشوف الرعاة، إحنا تعرضنا لظلم بين، إحنا لعبنا بطولة بشرف، وضربة جزاء صلاح صحيحة، تلغي الهدف الثالث وتدي ضربة جزاء لصلاح، وحكم الفار الفاسد كأنه مشفش حاجة".

وأشار إلى أن الاتحاد الدولي لكرة القدم فاسد، تديره مجموعة فسدة، وكلها شركات مراهنات إسرائيلية وصهيونية، وإحنا لعبنا بكل بطولة.

واختتم: "الناس اللي بتطلع تتكلم وتقلل من منتخبنا العظيم، اللي الرئيس السيسي أشاد بأداء المنتخب، المفروض الناس اللي بتقلل من المنتخب المصري تتمنع من الظهور في التلفزيون، الناس دي كلها المفروض تتمنع من الظهور، ده واحد قال لفظ جامد أوي، قال: "ده لو ابني بيلعب قدام ميسي هشجع ميسي"، إحنا طموحنا أكبر من كده بكتير، والفساد أنهى طموحنا".