جلال النقاش يكشف سر الـ5 جنيه مصروف جيبه اليومي: بوفر علشان أرجع أشوف تاني

كشف جلال مجدي، الشاب المعروف على السوشيال ميديا بـ جلال النقاش، تفاصيل تصدره التريد خلال اليومين الماضيين.

وأضاف جلال خلال برنامج ترند على قناة صدى البلد 2: بشتغل نقاش وبيبذل مجهود كبير في شغلي، وبجيب أكل بسيط بـ5 جنيه مش بخل، لكن علشان أحوش ثمن عملية تانية لعيني اللي محتاجة 150 ألف جنيه.

وتابع قائلا: صراحة أنا لو عايز أجيب أكل هجيب ومعايا فلوس، بس أنا بوفر عشان العملية.. وفي 2021 كنت شغال نجار، وحصل لي حادثة مع صاروخ صنايعي، حتة من الصاروخ دخلت عيني، وفضل الدم ينزل كتير، واتساب لحد ما الجرح ينشف قبل ما أروح للدكتور وكانت لشبكية انفصلت.

وقال جلال: العملية الأولى فشلت، وبعدين محتاج متابعة شهر كامل، والحمد لله، ربنا كبير، وأنا بس بحاول أعمل اللي عليا عشان أشوف عيني كويس في الآخر.