حسام حبيب يرد على الاتهامات لأول مرة: شيرين ضربت نفسها بالطفاية ومحدش بيحبها قدي

خرج الفنان حسام حبيب عن صمته، ورد على اتهامات ضربه لطليقته الفنانة شيرين عبد الوهاب وسرقتها، والاتهامات السابقة بسرقتها وسحلها على الأرض وتسببه في حلق شعرها منذ عام 2022.

قال حسام حبيب عن اتهامات شيرين عبد الوهاب ليدافع عن نفسه لأول مرة، عبر تصريحات تلفزيونية: «الكلام كله في النيابة وفي شهود ومقربين منها أكثر مني إلا شخص واحد فقط هو اللي زور شهادته، والتحريات كلها هتبان».

رد حسام حبيب على شيرين عبد الوهاب

وتابع: «والله العظيم كل الكلام ده كذب وبالنسبة للـ 50 ألف دولار إنتي سحبتيهم من أي بنك؟، والخواتم الألماس فين فواتيرهم؟، أنا عايز أعرف المواصفات الدقيقة له، أقسم بجلال الله والله العظيم أنا ما لمستها».

وفيما يخص حقيقة ضربه لشيرين عبد الوهاب، قال حسام حبيب: «هي ضربت نفسها بالطفاية في دماغها ومعورة إيديها ورجليها الاثنين بالمقص، وفي شهود كانوا واقفين وقالت علشان أوديك في داهية وماتمشيش في الشارع تاني».

شيرين عبد الوهاب وحسام حبيب

تصريحات حسام حبيب

واستكمل: «ومن أسبوع كانت تقول أنا قلبي بيوجعني أما حد بيشتم فيك، بحس إن أنا السبب ومش عارفة أعمل إيه عشان أكفر عن الذنب ده، ولكنها عملت فيّ الأوحش المرة دي وكسرت الاستوديو، ثم خرجت من المكان مسرعة وجلست في السيارة لكن بعد ربع ساعة نزلت وراها علشان أقولها متقعديش في العربية وتطلع تغسل وشها ومتنزليش كده ولم أعلم أنها ستذهب لتحرر محضر».

وأضاف حسام حبيب: «معنديش مشكلة مع شيرين عبد الوهاب أنا بحبها لكن كفاية ظلم وياما حذرتها وقلت لها كل حاجة ولها آخر، الصبر والتحمل والحب له آخر، لكنها أخدتني كأمر مسلم به، أنا هدوسه وهو هيسكت، لكن المرة دي مش هسكت».

واختتم حديثه عن أزماته مع شيرين عبد الوهاب قائلًا: «أنا مش زعلان من الناس أنا بزعل بس من اللي بيصر على الشتايم والخوض في الأعراض وأن أنا عايش على قفاها، قسمًا بالله العظيم أنا عمري ما أخدت منها مليم، ومحدش بيحبها قدي».

حسام حبيب

شيرين عبد الوهاب وحسام حبيب