حل أزمة العدادات الكودية.. مصطفى بكري يقدم المقترح المثالي ويؤكد: «يا حكومة فكي شوية»

قدم الإعلامي مصطفى بكري مقترحات لحل مشكلة العدادات الكودية وتوحيد سعر الكيلو وات من 68 قرشا لـ2.74 قرشا، قائلا: «عندى الآن 6.5 مليون عداد كودى، وقانون التصالح فيه مشكلة، يبقى لازم ألاقى حل وأطبق روح القانون لغاية مايتم التصالح».

وأضاف خلال برنامج حقائق وأسرار على قناة صدى البلد أن المقترحات التي قدمها تكون على النحو التالي..

1- من يسدد جدية التصالح ال25% يقبل طلبه فورا ويتعامل لسعر الشرائح العادية.

2- الشخص اللي ماسددش، ومستعد يدفع ما نص عليه القانون اللى هى الدفعة المقدمة للتصالح الـ 25% لمجرد أن يدفعها ويحصل على ايصال يقبل طلبه ويتم تحويل العداد الكودى إلى عداد عادى ويستمر الوضع حتى بنتهى من اجراءاته ولا ينتظر سنه ونصف هى المده الطبيعية للتصالح، يعنى يقبل ويتحول العداد إلى عداد طلبعى حتى لو معملش اجراءات التصالح ، المهم يدفع ال 25% فقط، اما لو أنا قلت لازم تخلص اجراءات التقنين والتصالح وبعده اركب العداد العادى، ده معناه أن 6.5 مليون عداد كودى حينتظروا سنوات علشان يخلصوا.

لكن اتمنى على الحكومة تاخد قرار ينص على أن اللى يدفع نسبة الـ 25% بتاعت التقنين ودون أى شروط أو انتظار لأى اجراءات يُقبل طلبه ويتم تركيب عداد عادى له بدلا من العداد الكودى.

وتابع مصطفى بكري: «عندي أمل في وزير الكهرباء اللي بيشتغل ليل نهار، عاوزين نقف مع المواطن اللي واقف مع الدولة، ولا يجب الرهان على صبر المواطن، نفذوا توجيهات الرئيس السيسي، ما أنتم هيجيلكم فلوس من الـ25% من فلوس التصالح، طب علقوا الزيادات 6 شهور فقط».

واختتم قائلا: «الناس تعبت بجد وأي حد حريص على البلد دي لازم يقول كلمة الحق.. إحنا مع الدولة والنظام.. بس ماتخترعوش كل شوية حاجات، لازم تترجموا رؤية الرئاسة حول الشارع اللي وقف مع الجيش والشرطة وقال للرئيس السيسي لازم تبقى رئيسي، لكن يا حكومة فكي شوية، حد مكلمني من التبين بيقول لي بدفع كل أسبوع 120 جنيها في الأسبوع بعد ما كنت بدفعهم في الشهر، المواطن ممكن مايتعشاش لكن الكهرباء ضرورية جدا».