حمادة هلال يكشف حقيقة اعتزاله الغناء وموقفه من حرمانية الفن

كشف الفنان حمادة هلال سبب ابتعاده عن الغناء، وكواليس مفاجئة عن مسلسل المداح لأول مرة.

قال حمادة هلال عبر تصريحات تلفزيونية: «لم ابتعد عن الغناء لكن التمثيل أخذني وعملت شغل غناء سينجل منها نجح ومنها ما لم ينجح وفكرة الألبوم كانت زمان».

تصريحات حمادة هلال

وتحدث عن موقف صعب تعرض له في مسجد السيدة نفيسة منذ 10 سنوات، قائلًا: «أحب أزور آل البيت، لكني أضطر أحيانًا أن أخفي شخصيتي حتى لا يحدث أي قلق في المسجد، بلبس كاب وماسك، والعام الماضي وقت تصوير مسلسل المداح في موسم رمضان، كنت في منطقة سيدنا الحسين، وقلت لهم نفسي أروح المسجد دخلت وقضيت أمتع ساعة في حياتي، ومن 10 سنين كنت داخل مسجد السيدة نفيسة، وأنا خارج، لقيت واحد قاعد على العتبة، مسك رجلي ونزلني قعدت معاه».

وأضاف حمادة هلال: «وقال لي هتفرج، وأنا بحب أسمع للناس دي كتير، وخرج لي وردة وقال: (دي من تحت عند ستنا) وقال لي جملة خضتني، لأنه عارف إن أي حد داخل يزور عنده مشكلة لكن في النهاية، كل الناس تعلم إن الرازق والمنجي والشافي هو الله».

حمادة هلال

حمادة هلال مسلسل المداح

وأشار حمادة هلال إلى أن تقديم خمسة أجزاء من مسلسل المداح جديدة على الدراما المصرية، وكل موسم أصبح أقوى من الموسم السابق وهذا رأي الناس ونسبة المشاهدة.

وفيما يخص أول أجر حصل عليه من الغناء في الأفراح، قال: «أول أوردر عملته كسبت فيه 5 جنيه، وكان ليا صاحبي هادي أبو اليزيد وهو شاعر كبير وكتب لي معظم الأغاني اللي نجحت لي، وقتها كل هدفي كان الغناء فقط ولم أفكر في أي أرباح، كنت بطلع أغني ببلاش ومكنتش عايز فلوس وكان المهم بالنسبة لي أغني وبعد كده أخذت 30 في 40 وأول 5 جنيه أخذتها جبت هدية لأمي كانت ايشارب ووالدي كان تعبان».

موقف حمادة هلال من صراع الغناء حلال أم حرام

وعلق على فكرة الصراع بين الغناء حلال أم حرام، وقال: «كل اللي موجودين في الشغلانة عنده نفس الصراع وأنا عن نفسي ممكن جت لي فترة تعرضت لكلام قاسي، مرة قابلت واحد قالي كلام قاسي وساب فكرة قاسية داخل قلبي ومكنتش أرد وكلام من معنى أنت تفسد وتدمر في الأرض».

واختتم حمادة هلال: «من أول ما بدأت أغاني اتعرضت لهذه المواقف وأنا مش ضد الراجل ده وكل واحد له رأيه وبقول لربنا يارب اهديني للطريق الصح ومش بتريق وكل إنسان بيقدر يحط نفسه في الحتة اللي عارفها كويس».

حمادة هلال