حمو بيكا يدافع عن حسن شاكوش: الرجولة مش صوت.. دي مواقف وصمود

عبر مؤدي المهرجانات حمو بيكا عن دعمه الكامل لصديقه المطرب حسن شاكوش، بعد موجة من التنمر والسخرية التي طالته عبر مواقع التواصل الاجتماعي، إثر انتشار مقطع فيديو ظهر فيه شاكوش يغني بجوار الفنان محمود الليثي، وسط تعليقات ساخرة على أدائه.

وكتب حمو بيكا، عبر حسابه الرسمي على موقع "فيسبوك": "من فضلكم لازم تسمعوا.. ولا للتنمر، اللي بيهزر وبيتريق على حسن شاكوش عشان صوته تعبان، أحب أقولكم حاجة: الرجولة مش بس صوت، الرجولة مواقف وصمود وشغل وتعب وشقى عشان يوصل".

وأضاف: "شاكوش أخويا وصاحبي وعِشرة سنين، راجل شاف كتير ولسه واقف على رجليه، بيغني وهو تعبان، وبيعافر وهو مجهد، وده مش ضعف.. ده قوة قلب ومعدن أصيل".

واختتم بيكا رسالته برسالة قوية قال فيها: "المطرب الحقيقي مش اللي صوته حلو وهو مرتاح، المطرب الحقيقي هو اللي بيغني من قلبه حتى لو صوته مجهد، وبيفرح الناس حتى لو هو موجوع.. أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها".