خالد الغندور عن أزمة أحمد عبد القادر مع جماهير الأهلي: ملوك القبض مقابل الشتيمة

علق الإعلامي خالد الغندور، أزمة أحمد عبد القادر لاعب النادي الأهلي مع بعض صفحات جماهير النادي، وتبادل الطرفين التغريدات عبر منصات التواصل الاجتماعي والتي حملت الهجوم على بعض جماهير الأهلي وبعض صفحات السوشيال ميديا الشهيرة.

وقال خالد الغندور عبر حسابه الرسمي على موقع التواصل الاجتماعي «تويتر»: «طول عمري شايف احمد عبد القادر لاعب كبير مش واخد حقه وعرفت دلوقتي السبب والسوشيل ميديا ولجان القبض والشتامين وصفحات الاندية اللي بتعمل نفسها بتحب نادي عشان تعمل فلوس من وراء الحب ده».

وأضاف خالد الغندور: «وللأسف هذه الصفحات ايضا تشتم العبد لله لمجرد الدفاع عن النادي وطبعا بتبقي موجهة عن طريق اشخاص يدفعوا بس الاهم انه يبان مؤدب وابن ناس ومالوش علاقة بالشتيمة الصفحات هي اللي بتشتم بالنيابة عنه من بعيد لبعيد وكل انواع التنمر والعنصرية والشتم واللعن».

وتابع خالد الغندور: «اهم حاجة الصفحة تكسب والممول للشتيمة يدفع ويكون مبسوط وهؤلاء هيقولوا عليك طبال هزاز بتقبض بتاع فتن وتعصب وهما ملوك القبض مقابل الشتيمة وهما ملوك الفتنة و للأسف لا دين ولا ضمير حسبنا الله ونعم الوكيل ربنا ينتقم منكم».

سيد عبد الحفيظ يهدد أحمد عبد القادر بعد هجومه على الجماهير

شهدت الساعات الماضية أزمة بين أحمد عبد القادر لاعب النادي الأهلي، وجماهير النادي، وتبادل الطرفين التغريدات عبر منصات التواصل الاجتماعي والتي حملت الهجوم على بعض جماهير الأهلي وبعض صفحات السوشيال ميديا الشهيرة.

وأجري سيد عبد الحفيظ، اتصالاً هاتفياً مع أحمد عبد القادر، حذره بعدم الانسياق وراء هجوم تلك الصفحات عليه، وإلتزام ضبط النفس والتوقف فوراً عن الرد عليهم عبر صفحاته الرسمية والذي سوف يدخله في أزمات جديدة مع الجماهير.

وهدد سيد عبد الحفيظ، اللاعب بتغريم أحمد عبد القادر ماليا حال عدم الإلتزام بتلك التعليمات واستمراره بالرد عبر منصات التواصل الاجتماعي.

خناقة بين أحمد عبد القادر والجماهير

رد أحمد عبد القادر لاعب فريق النادي الأهلي على أحد الصفحات الأهلاوية التي تنتقد مستواه خلال الفترات الأخيرة.

وقال أحمد عبد القادر عبر صفحته الرسمية على موقع التواصل الاجتماعي «فيسبوك»: «جمهور الأهلي أكبر منك يا شويه هايفين ياللي بتقبضوا الفلوس علشان تعلوا ده وتوطوا ده أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه».

أضاف أحمد عبد القادر : «جو الأدمن بتاعكو والفلوس اللي بتتوزع عليكو وقدام عيني وحد عرض عليا أعمل حملات هجص ولقطة وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب إزاي وهفضل طول عمري شريف مش بتاع ألف وألفين جنيه أبيع بيهم كرامتي فا بلاش انتو علشان انتو لا تمسو للنادي الأهلي بأي شيء.

وتابع أحمد عبد القادر:« النادي الأهلي أكبر نادي في العالم مش في مصر فا اللي انتو عاوزينوا ده مبعملوش والإجازة يا أنا يا صفحاتكو اللي كلها نفاق ورشاوي وبقولها لآخر مرة أنا بتاع شغل مش بتاع رشاوي وبعدين لقطة ركز جو الملعب وسيبك منهم رد في الملعب رد في الملعب ايه ما تنضجوا شويه لما حد بياخد فلوس ويغلط فيك سنة كاملة واكتر ويشتم اهلك تقولي رد في الملعب ولما ترد يقولك متركزش معاهم مين قال انهم فارقين معايا اصلا ولو انتو فعلا عندكو ذرة ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل».